കര്‍ണാടക ലെജിസ്ലേറ്റീവ് കൗണ്‍സില്‍ ഉപതെരഞ്ഞെടുപ്പ്: കോണ്‍ഗ്രസ് സ്ഥാനാര്‍ഥികളെ പ്രഖ്യാപിച്ചു
ഈ മാസം 30നാണ് തെരഞ്ഞെടുപ്പ് നടക്കുക.
Update: 2023-06-19 16:12 GMT
ബെംഗളൂരു: കര്‍ണാടക ലെജിസ്ലേറ്റീവ് കൗണ്‍സില്‍ ഉപതെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥികളെ പ്രഖ്യാപിച്ചു. മൂന്ന് സീറ്റുകളിലേക്കാണ് ഉപ തെരഞ്ഞെടുപ്പ്.
മുന്‍ മുഖ്യമന്ത്രി ജഗദീഷ്‌ ഷെട്ടാര്‍, നിലവിലെ ശാസ്ത്രസാങ്കേതിക മന്ത്രി എന്‍.എസ്‌ ബോസരാജു, മുന്‍ എം.എല്‍.സി തിപ്പനപ്പ കാമക്‌നൂര്‍ എന്നിവരായിരിക്കും കോണ്‍ഗ്രസ് ടിക്കറ്റില്‍ മത്സരിക്കുക.
ഈ മാസം 30നാണ് തെരഞ്ഞെടുപ്പ് നടക്കുക. നിലവിലെ സാഹചര്യത്തില്‍ കോണ്‍ഗ്രസിന്റെ മൂന്ന് സ്ഥാനാര്‍ഥികളും വിജയിക്കും.
നിയമസഭാ തെരഞ്ഞെടുപ്പിൽ മത്സരിക്കാനായി കൗണ്‍സില്‍ മെമ്പര്‍മാരായ ലക്ഷമണ്‍ സവാദി, ആര്‍ ശങ്കര്‍, ചിഞ്ചനാശ്വര്‍ എന്നിവര്‍ രാജിവച്ച ഒഴിവിലാണ് ഉപതെരഞ്ഞെടുപ്പ് നടക്കുന്നത്.