മണിപ്പൂരിൽ പോളിങ് സ്റ്റേഷനിൽ വെടിവെപ്പ്: മൂന്ന് പേർ അറസ്റ്റിൽ

ന്യൂഡൽഹി: മണിപ്പൂരിലെ  പോളിങ് സ്റ്റേഷനിലുണ്ടായ വെടിവെപ്പിൽ മൂന്ന് പേർ അറസ്റ്റിൽ. 32 തോക്കുകളും മൂന്ന് മൊബൈൽ ഫോണുകളും ഒരു കാറും പിടിച്ചെടുത്തു. അട്ടിമറി സംശയിക്കുന്ന ഇടങ്ങളിൽ റീപോളിങ് വേണമെന്ന് പ്രതിപക്ഷം ആവശ്യപ്പെട്ടു. 

ലോക്സഭ തിരഞ്ഞെടുപ്പിന്റെ ആദ്യ ഘട്ടത്തിൽ 68.3 ശതമാനം പോളിങ് രേഖപ്പെടുത്തി. ഇന്നലെ വോട്ടെടുപ്പ് ആരംഭിച്ച് രണ്ട് മണിപ്പൂർ പിന്നിട്ടപ്പോഴാണ് ഇന്നർ മണിപ്പൂരിലെ വിവിധ പോളിങ് ബൂത്തുകൾ പിടിച്ചെടുക്കാൻ അക്രമികൾ ശ്രമിച്ചത്.

അ​ക്ര​മി​ക​ളെ പി​രി​ച്ചു​വി​ടാ​ൻ പൊ​ലീ​സ് ആകാശത്തേക്ക് വെ​ടി​യു​തി​ർ​ത്തു. നാ​ലി​ട​ത്ത് നാ​ല് വോ​ട്ടു​യ​ന്ത്ര​ങ്ങ​ൾ അ​ക്ര​മി​ക​ൾ ത​ക​ർ​ത്തു. ഒ​രു ബൂ​ത്തി​ൽ വോ​ട്ടു​യ​ന്ത്രം അ​ഗ്നി​ക്കി​ര​യാ​ക്കി. ഈ കേസുകളിലാണ് മൂന്ന് പേരെ പോലീസ് അറസ്റ്റ് ചെയ്തത്.

ബി​ഷ്ണു​പു​ർ ജി​ല്ല​യി​ലെ ത​മ്‌​ന​പോ​ക്പി​യി​ലാണ് ആ​യു​ധ​ധാ​രി​ക​ൾ പോ​ളി​ങ് ബൂ​ത്ത് പി​ടി​ച്ചെ​ടു​ക്കാ​ൻ ശ്ര​മം ന​ട​ത്തിയത്. വോ​ട്ട​ർ​മാ​രെ വോട്ട് ചെയുന്നതിൽ നിന്ന് പി​ന്തി​രി​പ്പി​ക്ക​ലാ​യി​രു​ന്നു ല​ക്ഷ്യം. കോൺഗ്രസ് ബൂത്ത് ഏജന്റ്മാരെ ബൂത്തിൽ നിന്ന് പുറത്താക്കാനുള്ള ശ്രമവുമുണ്ടായി. ഇതോടെയാണ് പോളിങ് നിർത്തി ബൂത്ത് അടച്ചത്. വോട്ടർമാർ പ്രതിഷേധിച്ചതോടെയാണ് റീ പോളിങ് നടത്താൻ തെരഞ്ഞടുപ്പ് കമ്മീഷൻ തീരുമാനിച്ചത്.

രണ്ട് ലോക്സഭാ മണ്ഡലങ്ങൾ മാത്രമുള്ള സംസ്ഥാനത്ത് ഇ​ന്ന​ർ മണിപ്പൂർ മണ്ഡലത്തിൽ പൂ​ർ​ണ​മാ​യും ഔ​ട്ട​റി​ലെ 15 നി​യ​മ​സ​ഭ മ​ണ്ഡ​ല​ങ്ങ​ളി​ലു​മാ​ണ് ഇന്നലെ വോ​ട്ടെ​ടു​പ്പ് ന​ട​ന്ന​ത്. ഔ​ട്ട​റി​ലെ ബാ​ക്കി 13 നി​യ​മ​സ​ഭ മ​ണ്ഡ​ല​ങ്ങ​ളി​ലെ വി​ധി​യെ​ഴു​ത്ത് വരുന്ന വെള്ളിയാഴ്ചയാണ്. സം​ഘ​ർ​ഷ​സാ​ധ്യ​ത ക​ണ​ക്കി​ലെ​ടു​ത്ത് കൂടുതൽ സേനയെ ബൂത്തുകളയിൽ വിന്യസിക്കാൻ തെരഞ്ഞെടുപ്പ് കമ്മീഷൻ തീരുമാനിച്ചു. ആദ്യഘട്ടത്തിൽ 83.88 ശതമാനം രേഖപ്പെടുത്തിയ ലക്ഷദ്വീപിലാണ് ഏറ്റവും കൂടുതൽ പോളിങ് 48.88 രേഖപ്പെടുത്തിയ ബിഹാറിലാണ് ഏറ്റവും കുറവ്.