മൂർഖൻ പാമ്പിനെ പിടികൂടി ചുംബിച്ച യുവാവിന്റെ ചുണ്ടിൽ കടിയേറ്റു

ബെംഗളൂരു: ശിവമൊഗ്ഗയിൽ മൂർഖൻ പാമ്പിനെ പിടികൂടി ചുംബിച്ച യുവാവിന് പാമ്പിന്റെ കടിയേറ്റു. ഭദ്രാവതി ബൊമ്മനകട്ടെയിലാണ് സംഭവം. ഭദ്രാവതി സ്വദേശി അലക്‌സിനാണ് കടിയേറ്റത്.

പ്രദേശത്ത് കണ്ട പാമ്പിനെ പിടികൂടി ആൾക്കൂട്ടത്തിന് മുന്നിൽവെച്ച് തലയിൽ ചുംബിക്കാൻ ശ്രമിച്ചപ്പോൾ അലക്‌സിന്റെ ചുണ്ടിൽ തിരിഞ്ഞുകൊത്തുകയായിരുന്നു. തുടർന്ന് അലക്‌സിന്റെ കൈയിൽനിന്ന് പാമ്പ് വഴുതി നിലത്തുവീണു.

കടിയേറ്റ അലക്‌സ് അപടകനില തരണം ചെയ്തിട്ടുണ്ട്. സംഭവത്തിന്റെ വീഡിയോ സോഷ്യൽ മീഡിയയിൽ പ്രചരിച്ചതോടെ നിരവധിപേരാണ് വിമർശനവുമായി രംഗത്ത് വന്നത്.