ഗ്യാൻവാപി മസ്ജിദിലേക്ക് പ്രവേശനം വിലക്കണമെന്നാവശ്യപ്പെട്ട് ഹരജി

ന്യൂഡൽഹി: വരാണസിയിലെ ഗ്യാൻവാപി മസ്ജിദിലേക്കുള്ള പ്രവേശനം വിലക്കണമെന്നാവശ്യപ്പെട്ട് ഹരജി. വരാണസി സ്വദേശി രാം പ്രസാദാണ് ജില്ലാ കോടതിയിൽ ഹരജി നൽകിയത്.

പള്ളിക്ക് താഴെയുള്ള നിലവറകളുടെ പഴക്കം ചൂണ്ടിക്കാട്ടിയാണ് പ്രവേശനം വിലക്കണമെന്ന് ആവശ്യപ്പെടുന്നത്. നിലവറകൾക്ക് 500 വർഷം പഴക്കമുണ്ട്. ഇവ ജീർണിച്ച അവസ്ഥയിലാണ്. നിലവറകൾക്ക് മുകളിൽ ആളുകൾ പ്രാർഥന നടത്തിയാൽ അപകടമുണ്ടാകുമെന്നും ഹരജിക്കാരൻ പറയുന്നു.

പള്ളിക്ക് താഴെ പൂജ തുടരാൻ കഴിഞ്ഞദിവസം അലഹബാദ് ഹൈകോടതി അനുമതി നൽകിയിരുന്നു. ഇതിന് പിന്നാലെയാണ് പുതിയ നീക്കമുണ്ടാകുന്നത്.

ഗ്യാ​ൻ​വാ​പി മ​സ്ജി​ദി​ലെ നി​ല​വ​റ​യി​ൽ പൂ​ജ ന​ട​ത്താ​ൻ അ​നു​മ​തി ന​ൽ​കി​യ വാ​രാ​ണ​സി ജി​ല്ല കോ​ട​തി ഉ​ത്ത​ര​വി​നെ​തി​രായ ഹ​ര​ജി​ അ​ല​ഹ​ബാ​ദ് ഹൈ​കോ​ട​തി തള്ളുകയായിരുന്നു. മസ്ജിദിൽ ഹിന്ദു വിഭാഗത്തിന് പൂജ തുടരാമെന്ന് കോടതി വ്യക്തമാക്കി. പ​ള്ളി നി​യ​ന്ത്രി​ക്കു​ന്ന അ​ൻ​ജു​മ​ൻ ഇ​ൻ​തി​സാ​മി​യ മ​സ്ജി​ദ് ക​മ്മി​റ്റിയാണ് ഹരജി ന​ൽ​കി​യത്.

ഗ്യാ​ൻ​വാ​പി മ​സ്ജി​ദി​ലെ നി​ല​വ​റ​യി​ൽ പൂ​ജ ന​ട​ത്താ​ൻ അ​നു​മ​തി നൽകിയ വിധിക്കെതിരായ തങ്ങളുടെ എതിർപ്പുകൾ മ​സ്ജി​ദ് ക​മ്മി​റ്റി​ ഹരജിയിൽ വ്യക്തമാക്കിയിരുന്നു. പ​ള്ളി​യു​ടെ ഭാ​ഗ​മാ​യ വ്യാ​സ് തെ​ഹ്ഖാ​ന എ​ന്ന​റി​യ​പ്പെ​ടു​ന്ന നി​ല​വ​റ 1993 മു​ത​ൽ ത​ങ്ങ​ളു​ടെ അ​ധീ​ന​ത​യി​ലാ​ണെ​ന്നും വ്യാ​സ് കു​ടും​ബ​ത്തി​നോ മ​റ്റാ​ർ​ക്കെ​ങ്കി​ലു​മോ അ​വ​കാ​ശ​വാ​ദം ഉ​ന്ന​യി​ക്കാ​നും ആ​രാ​ധ​ന ന​ട​ത്താ​നും ക​ഴി​യി​ല്ലെ​ന്നും മ​സ്ജി​ദ് ക​മ്മി​റ്റി​ വാ​ദി​ച്ചു.

30 വ​ർ​ഷ​മാ​യി അ​വി​ടെ പൂ​ജ ന​ട​ന്നി​രു​ന്നി​ല്ല. ഇ​പ്പോ​ൾ കോ​ട​തി റി​സീ​വ​റെ നി​യ​മി​ച്ച​തി​നും ത​ൽ​സ്ഥി​തി​യി​ൽ മാ​റ്റം വ​രു​ത്തി​യ​തി​നും മ​തി​യാ​യ കാ​ര​ണമില്ലെന്നും മ​സ്ജി​ദ് ക​മ്മി​റ്റി ചൂണ്ടിക്കാട്ടി. എ​ന്നാ​ൽ, 1993ന് ​ശേ​ഷ​വും സം​സ്ഥാ​ന സ​ർ​ക്കാ​ർ നി​ർ​ദേ​ശ​പ്ര​കാ​രം സി.​ആ​ർ.​പി.​എ​ഫ് ഏ​റ്റെ​ടു​ക്കും​വ​രെ നി​ല​വ​റ​യി​ൽ പൂ​ജ ന​ട​ന്നി​രു​ന്നു​വെ​ന്നാ​ണ് ഹി​ന്ദു​പ​ക്ഷം വാ​ദിച്ചത്. ഇരുപക്ഷത്തിന്‍റെയും വിശദവാദം കേട്ടശേഷമാണ് കോടതി വിധി പറഞ്ഞത്.

ജ​നു​വ​രി 31നാ​ണ് ഗ്യാൻവാപി മസ്ജിദിലെ സീൽ ചെയ്ത നിലവറകളിൽ തെക്കുഭാഗത്തുള്ള 'വ്യാസ് കാ ത‌ഹ്ഖാന' എന്നറിയപ്പെടുന്ന നിലവറയിൽ ഹിന്ദുക്കൾക്ക് പൂജ ചെയ്യാൻ അനുവാദം നൽകി വരാണസി ജി​ല്ല കോ​ട​തി ഉ​ത്ത​ര​വി​ട്ട​ത്. മസ്ജിദിൽ പൂജക്ക് അനുവാദം നൽകണമെന്നാവശ്യപ്പെട്ട് ഹിന്ദുവിശ്വാസികളായ നാല് സ്ത്രീകൾ ഹരജി നൽകിയിരുന്നു. ഇത് അംഗീകരിച്ചായിരുന്നു കോടതി വിധി.