സ്വർണക്കടത്ത് കേസ്: ഇ.ഡിയുടെ ഹരജി സുപ്രിംകോടതി ഇന്ന് പരിഗണിക്കും

ന്യൂഡൽഹി: സ്വർണക്കടത്ത് കേസ് കേരളത്തിന് പുറത്തേക്ക് മാറ്റണമെന്ന ഇ.ഡിയുടെ ഹരജി സുപ്രിംകോടതി ഇന്ന് പരിഗണിക്കും. വിചാരണ നടപടികൾ കർണാടകയിലേക്ക് മാറ്റാനുള്ള ഇ.ഡി നീക്കത്തിന് തടയിടാൻ സംസ്ഥാന സർക്കാരും ഹരജി സമർപ്പിച്ചിട്ടുണ്ട്.

സംസ്ഥാനത്ത് കലാപം ഉണ്ടാക്കാൻ ലക്ഷ്യമിട്ട് സ്വപ്ന സുരേഷ് ഉന്നയിച്ച ആരോപണങ്ങളുടെ അടിസ്ഥാനത്തിലാണ് ഇ.ഡിയുടെ ഹരജിയെന്ന് കേരളം ആരോപിക്കുന്നു.

ജൂൺ ആറ്, ഏഴ് തീയതികളിൽ സ്വപ്ന സുരേഷ് മുഖ്യമന്ത്രിക്കും കുടുംബാംഗങ്ങൾക്കും എതിരെ ഗുരുതര ആരോപങ്ങൾ ഉന്നയിച്ചിരുന്നു. ഈ മൊഴി മുദ്രവച്ച കവറിൽ സുപ്രിംകോടതിക്ക് കൈമാറാൻ തയാറാണെന്ന് ഇ.ഡി അറിയിച്ചിരുന്നു.