അർധരാത്രിയിൽ ഗ്യാൻവാപി മസ്ജിദിൽ നാടകീയ നീക്കങ്ങൾ; പള്ളിയുടെ ഇ​രു​മ്പു ഗ്രി​ല്ലു​ക​ൾ തകർത്താണ് നിലവറയിൽ വിഗ്രഹം സ്ഥാപിച്ചത് : മസ്ജിദ് കമ്മിറ്റി

ന്യൂ​ഡ​ൽ​ഹി: ഗ്യാ​ൻ​വാ​പി മ​സ്ജി​ദിന്റെ തെക്കെ നിലവറയിൽ പൂ​ജ​ നടത്താൻ ​രാത്രിയിൽ പള്ളിയുടെ ഇ​രു​മ്പു ഗ്രില്ലുകൾ മുറിച്ച് മാറ്റി. ഇതിന് ശേ​ഷ​മാ​ണ് രാത്രി 12 മ​ണി​യോ​ടെ പ​ള്ളി​ക്ക​ടി​യി​ലു​ള്ള തെ​ക്കേ നി​ല​വ​റ​യി​ൽ വി​ഗ്ര​ഹം സ്ഥാ​പി​ച്ച​തെ​ന്ന് അ​ൻ​ജു​മ​ൻ മ​സ്ജി​ദ് ഇ​ൻ​തി​സാ​മി​യ ക​മ്മി​റ്റി ജോ​യ​ന്റ് സെ​ക്ര​ട്ട​റി സ​യ്യി​ദ് അ​ഹ്മ​ദ് യാ​സീ​ൻ. പൂ​ജ ന​ട​ത്താ​ൻ കോ​ട​തി വി​ധി​ച്ച​തി​നു പി​ന്നാ​ലെ ബുധനാഴ്ച അ​ർ​ധ​രാ​ത്രി ന​ട​ത്തി​യ നാ​ട​കീ​യ നീ​ക്ക​ങ്ങ​ളി​ലൂ​ടെയാണ് ​ഉത്ത​ർ​പ്ര​ദേ​ശ് വാ​രാ​ണ​സി​യി​ലെ ഗ്യാൻവാപി മസ്ജിദിൽ വി​ഗ്ര​ഹം പ്ര​തി​ഷ്ഠി​ച്ചതെന്നും അദ്ദേഹം ‘മാധ്യമം’ പത്രത്തി​നോട് പറഞ്ഞു..

വാ​രാ​ണ​സി ജി​ല്ല മ​ജി​സ്ട്രേ​റ്റ് എ​സ്. രാ​ജ​ലിം​ഗം, ക​മീ​ഷ​ണ​ർ കൗ​​ശ​ൽ രാ​ജ് ശ​ർ​മ, കാ​ശി വി​ശ്വ​നാ​ഥ ക്ഷേ​ത്ര ട്ര​സ്റ്റ് സി.​ഇ.​ഒ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് അ​ർ​ധ​രാ​ത്രി 12 മണിയോടെ വി​ഗ്ര​ഹം സ്ഥാ​പി​ച്ച​ത്. 1993 വ​രെ ഹി​ന്ദു​ക്ക​ൾ പൂ​ജ ന​ട​ത്തി​യി​രു​ന്നു​വെ​ന്ന അ​വാ​സ്ത​വം അം​ഗീ​ക​രി​ച്ചാ​ണ് കോ​ട​തി, പ​ള്ളി​യി​ൽ പൂ​ജ​ക്ക് അ​നു​മ​തി ന​ൽ​കി​യതെന്ന മ​സ്ജി​ദ് ക​മ്മി​റ്റി​യു​ടെ വാ​ദം ശ​രി​യാ​ണെ​ന്ന് തെ​ളി​യി​ക്കു​ന്ന​താ​ണ് കോ​ട​തി ഉ​ത്ത​ര​വി​നു​ശേ​ഷം ബു​ധ​നാ​ഴ്ച അ​ർ​ധ​രാ​ത്രി ന​ട​ന്ന വി​ഗ്ര​ഹ​പ്ര​തി​ഷ്ഠയെന്നും അദ്ദേഹം പറഞ്ഞു.

1993ൽ ​സു​പ്രീം​കോ​ട​തി വി​ധി​യെ തു​ട​ർ​ന്ന് പ​ള്ളി​യു​ടെ സു​ര​ക്ഷി​ത​ത്വ​ത്തി​നാ​യി സ്ഥാ​പി​ച്ച ഇ​രു​മ്പു ഗ്രി​ല്ലു​ക​ളാണ് ആദ്യം മു​റി​ച്ചു​മാ​റ്റിയത്. രാ​ത്രി 10 മ​ണി​ക്കാ​ണി​ത് തു​ട​ങ്ങി​യ​ത്. അ​ത് പൂ​ർ​ത്തി​യാ​ക്കി​യ ശേ​ഷ​മാ​ണ് 12 മ​ണി​യോ​ടെ ഇ​വ​രു​ടെ ​നേ​തൃ​ത്വ​ത്തി​ൽ പ​ള്ളി​ക്ക​ടി​യി​ലു​ള്ള തെ​ക്കേ നി​ല​വ​റ​യി​ൽ വി​ഗ്ര​ഹം സ്ഥാ​പി​ച്ച​ത്. ആ ​സ​മ​യ​ത്ത് പ​ള്ളി​യി​ലു​ണ്ടാ​യി​രു​ന്ന ഇ​മാം മ​ഹ്ബൂ​ബ് ആ​ല​വും മു​അ​ദ്ദി​നു​മാ​ണ് ഇ​ത് ക​ണ്ട​തെ​ന്നും യാ​സീ​ൻ പ​റ​ഞ്ഞു.

അ​ർ​ധ​രാ​ത്രി ഇ​ത്ത​ര​മൊ​രു പ്ര​വൃ​ത്തി പ്ര​തീ​ക്ഷി​ക്കാ​തി​രു​ന്ന മ​സ്ജി​ദ് ക​മ്മി​റ്റി ഇ​ത് ക​ണ്ട​തോ​ടെയാണ് അ​ടി​യ​ന്ത​ര സ്റ്റേ​ക്കാ​യി അ​ർ​ധ​രാ​ത്രി​ത​ന്നെ സു​പ്രീം​കോ​ട​തി​യെ സ​മീ​പി​ച്ചത്. മ​സ്ജി​ദ് ക​മ്മി​റ്റി അ​ഭി​ഭാ​ഷ​ക​ൻ ഹു​സൈ​ൽ അ​ഹ്മ​ദ് അ​യ്യൂ​ബി ഹ​ര​ജി ത​യാ​റാ​ക്കി സു​പ്രീം​കോ​ട​തി ര​ജി​സ്ട്രി​യി​ൽ ന​ൽ​കി​യ​പ്പോ​ൾ ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് ഉ​ണ​രു​​ന്ന​മു​റ​ക്ക് ഹ​ര​ജി ധ​രി​പ്പി​ച്ച് വി​വ​ര​മ​റി​യി​ക്കാ​മെ​ന്ന് ര​ജി​സ്ട്രി​യി​ൽ​നി​ന്ന് മ​റു​പ​ടി കി​ട്ടി. തു​ട​ർ​ന്ന് രാ​വി​ലെ​യാ​ണ് സ്റ്റേ​ക്കു​ള്ള ഹ​ര​ജി സ്വീ​ക​രി​ക്കി​ല്ലെ​ന്നും അ​തു​മാ​യി അ​ല​ഹ​ബാ​ദ് ഹൈ​കോ​ട​തി​യി​ലേ​ക്ക് പോ​കാ​ൻ ചീ​ഫ് ജ​സ്റ്റി​സ് പ​റ​ഞ്ഞ​തെ​ന്നും ര​ജി​സ്ട്രി അ​റി​യി​ച്ച​ത്.

പി​ന്നീ​ട് അ​ല​ഹ​ബാ​ദ് ഹൈ​കോ​ട​തി​യി​ലെ​ത്തി​യ മ​സ്ജി​ദ് ക​മ്മി​റ്റി, ഹ​ര​ജി അ​ടി​യ​​ന്ത​ര​മാ​യി പ​രി​ഗ​ണി​ക്ക​ണ​മെ​ന്ന് അ​പേ​ക്ഷി​ച്ച​പ്പോ​ൾ, കാ​ത്തി​രി​ക്കൂ എ​ന്ന മ​റു​പ​ടി​യാ​ണ് ല​ഭി​ച്ച​ത്. അ​പ്പോ​ഴേ​ക്കും പ​ള്ളി​യു​ടെ നി​ല​വ​റ​ക്കു​ള്ളി​ൽ അ​ർ​ധ​രാ​ത്രി സ്ഥാ​പി​ച്ച വി​ഗ്ര​ഹ​ത്തി​നു മു​ന്നി​ൽ പൂ​ജാ​ക​ർ​മ​ങ്ങ​ൾ തു​ട​ങ്ങി​യി​രു​ന്നു. ഇ​തി​നി​ട​യി​ലും ന​മ​സ്കാ​രം തു​ട​രു​ന്ന ഗ്യാ​ൻ​വാ​പി മ​സ്ജി​ദി​ൽ വ്യാ​ഴാ​ഴ്ച പു​ല​ർ​ച്ച സു​ബ്ഹി ന​മ​സ്കാ​ര​ത്തി​നും 400ഓ​ളം പേ​ർ ഉ​ണ്ടാ​യി​രു​ന്നു​വെ​ന്ന് യാ​സീ​ൻ പ​റ​ഞ്ഞു. വ്യാ​ഴാ​ഴ്ച സു​ബ്ഹി​ക്കു പു​റ​മെ മ​റ്റു ന​മ​സ്കാ​ര​ങ്ങ​ളും ന​ട​ന്നു. ജ​ല​ധാ​ര ശി​വ​ലിം​ഗ​മാ​ണെ​ന്ന് ഹി​ന്ദു​പ​ക്ഷം വാ​ദി​ച്ച​തി​നെ തു​ട​ർ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് അ​ട​ച്ചു​പൂ​ട്ടി മു​ദ്ര​വെ​ച്ച വു​ദൂ​ഖാ​ന ഇ​പ്പോ​ഴും മു​സ്‍ലിം​ക​ൾ​ക്ക് ഉ​പ​യോ​ഗി​ക്കാ​ൻ ക​ഴി​യാ​ത്ത ത​ര​ത്തി​ൽ കേ​ന്ദ്ര​സേ​ന​യു​ടെ കാ​വ​ലി​ലാ​ണെ​ന്ന് യാ​സീ​ൻ വ്യ​ക്ത​മാ​ക്കി.

സു​പ്രീം​കോ​ട​തി​യി​ൽ പ​രി​ഗ​ണ​ന​യി​ലി​രി​ക്കു​ന്ന കേ​സി​ൽ വാ​രാ​ണ​സി കോ​ട​തി പു​റ​പ്പെ​ടു​വി​ച്ച നി​യ​മ​വി​രു​ദ്ധ ഉ​ത്ത​ര​വ് അ​ടി​യ​ന്ത​ര​മാ​യി സ്റ്റേ ​ചെ​യ്യ​ണ​മെ​ന്ന ആ​വ​ശ്യ​വു​മാ​യി മ​സ്ജി​ദ് ക​മ്മി​റ്റി വ്യാ​ഴാ​ഴ്ച പു​ല​ർ​ച്ച മൂ​ന്നു​മ​ണി​ക്ക് സു​പ്രീം ​കോ​ട​തി​യി​ലെ​ത്തി​യെ​ങ്കി​ലും അ​ല​ഹ​ബാ​ദ് ഹൈ​കോ​ട​തി​യി​ലേ​ക്ക് പോ​കാ​നാ​യി​രു​ന്നു നി​ർ​ദേ​ശ​മെ​ന്നും അ​ദ്ദേ​ഹം പറഞ്ഞു.