എം എല്‍ എ ഹോസ്റ്റല്‍ ഓഫീസ് റൂമാക്കി വി എസ്
Update: 2017-05-28 06:45 GMT
എം എല്‍ എ ഹോസ്റ്റലിലെ നെയ്യാര്‍ ബ്ലോക്കില്‍ ഒന്ന് ബിയാണ് വി എസ് അച്യുതാനന്ദന്റെ പുതിയ ഓഫീസ്.
വി എസ് അച്യുതാനന്ദന്‍ എം എല്‍ എ ഹോസ്റ്റലില്‍ ഓഫീസ് തുറന്നു. തന്റെ കാബിനറ്റ് പദവി സംബന്ധിച്ച് തീരുമാനമാകുമ്പോള്‍ അറിയിക്കാമെന്ന് വി എസ് പറഞ്ഞു. വിവാദങ്ങളെക്കുറിച്ച് മന്ത്രിമാര്‍ തന്നെ മറുപടി പറയട്ടെയെന്നും അദ്ദേഹം പ്രതികരിച്ചു
എം എല്‍ എ ഹോസ്റ്റലിലെ നെയ്യാര്‍ ബ്ലോക്കില്‍ ഒന്ന് ബിയാണ് വി എസ് അച്യുതാനന്ദന്റെ പുതിയ ഓഫീസ്. മകന്‍ അരുണ്‍കുമാറിനൊപ്പമാണ് വി എസ് എം എല്‍ എ ഹോസറ്റലിലെത്തിയത്. പത്ത് വര്‍ഷം പ്രതിപക്ഷ നേതാവായി കന്റോണ്‍മെന്റ് ഹൌസിലും 5 വര്‍ഷം മുഖ്യമന്ത്രിയായി ക്ലിഫ് ഹൌസിലുമായിരുന്നു വി എസിന്റെ താമസവും ഓഫീസും. സര്‍ക്കാരില്‍ വി എസിന് പ്രത്യേക പദവിയെക്കുറിച്ച ചര്‍ച്ച നടക്കുമ്പോള്‍ എം എല്‍ എ ഹോസ്റ്റലില്‍ അദ്ദേഹം എത്തിയത്
ദേശീയ പാത 45 മീറ്ററില്‍ തന്നെ വികസിപ്പിക്കുമെന്ന മുഖ്യമന്ത്രിയുടെ പ്രസ്താവനയോട് വി എസ് പ്രതികരിച്ചില്ല.