ജിഷ വധം: സഹോദരി ദീപയുടെ സുഹൃത്തിനെ കേന്ദ്രീകരിച്ച് അന്വേഷണം പുരോഗമിക്കുന്നു

വനിതകമ്മീഷൻ സ്വമേധയാ എടുത്ത കേസിന്‍റെ അടിസ്ഥാനത്തിലായിരുന്നു ജിഷയെ സഹോദരി ദീപയുടെ മൊഴി രേഖപ്പെടുത്തിയത്. മണിക്കൂറുകൾ നീണ്ട മൊഴിയെടുക്കലിനൊടുവിലാണ് പ്രതിയിലേക്കുള്ള നിർണായക വിവരങ്ങൾ ലഭിച്ചതായി കമ്മീഷൻ പറഞ്ഞത്

ജിഷ വധകേസിൽ സഹോദരി ദീപയുടെ സുഹൃത്തിനെ കേന്ദ്രീകരിച്ച് അന്വേഷണം പുരോഗമിക്കുന്നു. ഇന്നലെ ദീപയില്‍ ലഭിച്ച വിവരങ്ങള്‍ വനിതാ കമ്മീഷന്‍ പൊലീസിന് കൈമാറിയിരുന്നു. ഇതിന് ശേഷം ആലുവ എസ്പിയുടെ നേതൃത്വത്തിലുള്ള സംഘം ദീപയെ ചോദ്യംചെയ്തു.

വനിതകമ്മീഷൻ സ്വമേധയാ എടുത്ത കേസിന്‍റെ അടിസ്ഥാനത്തിലായിരുന്നു ജിഷയെ സഹോദരി ദീപയുടെ മൊഴി രേഖപ്പെടുത്തിയത്. മണിക്കൂറുകൾ നീണ്ട മൊഴിയെടുക്കലിനൊടുവിലാണ് പ്രതിയിലേക്കുള്ള നിർണായക വിവരങ്ങൾ ലഭിച്ചതായി കമ്മീഷൻ പറഞ്ഞത്. കൊലയാളി ജിഷയുടെ വീടുമായി ബന്ധമുള്ളയാളാണെന്നാണ് സൂചന.

ദീപയിൽ നിന്ന് ലഭിച്ച വിവരങ്ങൾ വനിതാകമ്മീഷൻ പൊലീസിന് കൈമാറിയതിന് പിന്നാലെ ആലുവ എസ് പി യുടെ നേതൃത്വത്തിലുള്ള സംഘം ദീപയെ ആശുപത്രിയിലെത്തി ചോദ്യംചെയ്തു. അതിനിടെ ദീപയുടെ സുഹൃത്തായ ഇതരസംസ്ഥാനക്കാരനുവേണ്ടിയുള്ള തിരച്ചിൽ പൊലീസ് ഊർജിതമാക്കി.

അഞ്ച് സംഘങ്ങളായി തിരിഞ്ഞാണ് ഇയാൾക്കുവേണ്ടിയുള്ള അന്വേഷണം നടത്തുന്നത്. ഇയാൾക്കായി ഇതരസംസ്ഥാനതൊഴിലാളികൾ താമസിക്കുന്ന ക്യാമ്പുകളിൽ പൊലീസ് തിരച്ചിൽ നടത്തി. ഇയാളെ കൂടാതെ കസ്റ്റഡിയിലുള്ള മറ്റ് 4 പേരുടേയും ചോദ്യംചെയ്യൽ തുടരുകയാണ്.