മുകേഷ് എംഎല്‍എയെ കാണ്മാനില്ല ! പരാതിയുമായി യൂത്ത് കോണ്‍ഗ്രസ്
Update: 2018-05-28 12:58 GMT
നിയമസഭാ തെര‍ഞ്ഞെടുപ്പില്‍ കൊല്ലത്ത് നിന്നു തെരഞ്ഞെടുക്കപ്പെട്ട മുകേഷ് എംഎല്‍എയെ കാണ്മാനില്ലെന്ന് പരാതി.
നിയമസഭാ തെര‍ഞ്ഞെടുപ്പില്‍ കൊല്ലത്ത് നിന്നു തെരഞ്ഞെടുക്കപ്പെട്ട മുകേഷ് എംഎല്‍എയെ കാണ്മാനില്ലെന്ന് പരാതി. യൂത്ത് കോണ്‍ഗ്രസ് നേതാവ് അഡ്വ. വിഷ്ണു സുനിലാണ് പരാതിയുമായി കൊല്ലം വെസ്റ്റ് പൊലീസിനെ സമീപിച്ചിരിക്കുന്നത്. കൊല്ലം തീരദേശ മേഖലയില്‍ പ്രകൃതിക്ഷോഭം മൂലം വന്‍ നാശനഷ്ടമുണ്ടായിട്ടും എംഎല്‍എയെ മാത്രമാണ് അവിടെ കാണാതിരുന്നതെന്ന് പരാതിയില്‍ പറയുന്നു. കലക്ടറേറ്റില്‍ സ്‍ഫോടനമുണ്ടായപ്പോഴും മുകേഷ് സംഭവസ്ഥലത്തെത്തിയില്ലെന്ന് പരാതിയുണ്ട്. മുഖ്യമന്ത്രി പങ്കെടുത്ത പൊതു പരിപാടികള്‍ക്ക് പോലും മുകേഷ് എത്താറില്ലെന്നും പരാതിയില്‍ ചൂണ്ടിക്കാട്ടുന്നു.