ഗുണ്ടാ ആക്രമണത്തില്‍ വിദ്യാര്‍ഥിക്ക് ഗുരുതര പരിക്ക്
അരീക്കോട്ടേ സ്വകാര്യ പോളിടെക്നിക്ക് കോളേജിനു സമീപത്തു നിന്നുമാണ് മര്‍ദ്ദനമേറ്റത്.
Update: 2018-10-27 03:22 GMT
ഗുണ്ടാ ആക്രമണത്തില്‍ വിദ്യാര്‍ഥിക്ക് ഗുരുതര പരിക്ക് .കോഴിക്കോട് കാരശ്ശേരി തടപ്പറമ്പ് സ്വദേശി നൂറുദ്ദീനെയാണ് ഒരു സംഘം ആളുകള്‍ മര്‍ദ്ദിച്ചത്.അരീക്കോട്ടേ സ്വകാര്യ പോളിടെക്നിക്ക് കോളേജിനു സമീപത്തു നിന്നുമാണ് മര്‍ദ്ദനമേറ്റത്.
മലപ്പുറം അരീക്കോട് ഈ.ടി.ഐ പോളിടെക്നിക്ക് കോളേജിൽ രണ്ടാംവർഷ എ .സി മെക്കാനിക്കൽ വിദ്യാർത്ഥി നൂറുദ്ദീനാണ് മര്‍ദ്ദനമേറ്റത് . ഒരു കിലോമീറ്ററോളം ദൂരത്ത് ബൈക്കില്‍ തട്ടികൊണ്ട് പോയി മർദ്ദിക്കുകയായിരുന്നു .സൈക്കിൾ ചെയിൻ ഉൾപ്പെടെയുള്ള മാരകായുധങ്ങൾ ഉപയോഗിച്ചാണ് മർദ്ദിച്ചതെന്ന് നൂറുദ്ദീൻ പറഞ്ഞു.കഴിഞ്ഞ ദിവസം ക്യാമ്പസില്‍ വിദ്യാര്‍ഥികള്‍ തമ്മില്‍ സംഘര്‍ഷം ഉണ്ടായിരുന്നു. ഇതിന്റെ തുടര്‍ച്ചയാണ് ഇന്നലെ നടന്ന സംഭവം .
ഗുരുതര പരിക്കേറ്റ നൂറുദ്ദീനെ മുക്കം കെ.എംസി.ടി മെഡിക്കൽ കോളേജിൽ പ്രവേശിപ്പിച്ചു .അരീക്കോട് പോലീസ് അന്വേഷണം ആരംഭിച്ചു.