കുറ്റ്യാടി പുഴയിൽ പതിനേഴുകാരൻ മുങ്ങി മരിച്ചു

കോഴിക്കോട്: കുറ്റ്യാടി പുഴയിൽ വിദ്യാർഥി മുങ്ങി മരിച്ചു. നടുപ്പൊയിൽ സ്വദേശി എടക്കോട്ട് കണ്ടി റഫീഖിന്റെ മകൻ മുഹമ്മദാണ്(17) മരിച്ചത്. കുറ്റ്യാടിയിലെ ബന്ധുവീട്ടിൽ എത്തിയപ്പോഴായിരുന്നു അപകടം.

സുഹൃത്തുക്കളോടും ബന്ധുക്കളോടുമൊപ്പം പുഴയിൽ കുളിക്കാൻ ഇറങ്ങിയതായിരുന്നു. അപകടത്തിൽപെട്ട മുഹമ്മദിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.