തൃശൂരിൽ സ്‌പെയർപാർട്‌സ് ഗോഡൗണിൽ തീപിടിത്തം; ഒരാൾ മരിച്ചു
തീയണക്കാനുള്ള ശ്രമം പുരോഗമിക്കുന്നു
Update: 2024-07-09 17:24 GMT
മുളങ്കുന്നത്തുകാവ്: തൃശൂർ മുളങ്കുന്നത്തുകാവിലെ സ്‌പെയർപാർട്‌സ് ഗോഡൗണിലുണ്ടായ വൻ തീപിടിത്തത്തിൽ ഒരാൾ മരിച്ചു. പാലക്കാട് സ്വദേശി നിബിനാണ് മരിച്ചത്. ഇയാൾ വെൽഡിങ് തൊഴിലാളിയാണ്.
രാത്രി ഏഴരയോടെയാണ് തീപിടിത്തമുണ്ടായത്. വടക്കാഞ്ചേരി, പുതുക്കാട്, കുന്നംകുളം എന്നിവിടങ്ങളിൽനിന്നായി അഗ്നിരക്ഷാസേനയുടെ ആറ് യൂണിറ്റ് എത്തിയാണ് തീയണയ്ക്കാനുള്ള ശ്രമം നടത്തുന്നത്. തീ ഇപ്പോഴും പൂർണമായും അണക്കാനായിട്ടില്ല.
തീപിടിത്തമുണ്ടായപ്പോൾ അഞ്ചുപേരാണ് ഗോഡൗണിലുണ്ടായിരുന്നത്. നാലുപേർ പുറത്തേക്ക് ഓടി രക്ഷപ്പെട്ടു. നിബിൻ ബാത്ത്‌റൂമിലായിരുന്നു എന്നാണ് പ്രാഥമിക വിവരം. ഏറെ നേരമെടുത്താണ് ഫയർ ഫോഴ്‌സ് ഉദ്യോഗസ്ഥർക്ക് അകത്തേക്ക് കടക്കാനായത്.