തൃശൂരില്‍ ഉറങ്ങിക്കിടക്കുന്നവരുടെ ദേഹത്തേക്ക് ലോറി പാഞ്ഞുകയറി 5 മരണം; മരിച്ചവരില്‍ രണ്ട് കുട്ടികളും

തൃശൂര്‍: തൃശൂർ നാട്ടികയിൽ ലോറി പാഞ്ഞുകയറി രണ്ട് കുട്ടികൾ ഉൾപ്പെടെ അഞ്ച് മരണം. നാടോടികളാണ് മരിച്ചത്. തൃപയാര്‍ അമ്പലത്തിന് സമീപം ഉറങ്ങിക്കിടക്കുന്നവരുടെ ദേഹത്തേക്കാണ് ലോറി കയറിയത്. ഗുരുതരമായി പരിക്കേറ്റവരെ തൃശൂർ മെഡിക്കൽ കോളജിലേക്ക് മാറ്റി. കണ്ണൂരിൽ നിന്ന് തടി കയറ്റി വന്ന ലോറിയാണ് അപകടത്തിൽപ്പെട്ടത്. ലോറിയുടെ ഡ്രൈവറെയും ക്ലീനറെയും അറസ്റ്റ് ചെയ്തു. മദ്യലഹരിയിലായിരുന്ന കണ്ണൂർ ആലങ്കോട് സ്വദേശിയായ ക്ലീനർ അലക്സാണ് വണ്ടി ഓടിച്ചത്. 

അതേസമയം അപകടത്തിൽ അടിയന്തരമായി റിപ്പോർട്ട് സമർപ്പിക്കാൻ ഗതാഗത മന്ത്രി നിർദേശം നല്‍കിയിട്ടുണ്ട്. ഗതാഗത കമ്മീഷണറോടാണ് റിപ്പോർട്ട് ആവശ്യപ്പെട്ടത്.

Updating...