മദ്യപിച്ച് വാഹനമോടിച്ച് അപകടം; ഇൻഫോപാർക്ക് എസ്‌ഐക്ക് സസ്‌പെൻഷൻ
ശ്രീജിത്ത് ഓടിച്ച കാർ മറ്റൊരു കാറിലും രണ്ട് ബൈക്കിലും ഇടിക്കുകയായിരുന്നു
Update: 2024-11-14 03:31 GMT
എറണാകുളം: മദ്യപിച്ചു വാഹനമോടിച്ച് അപകടമുണ്ടാക്കിയ ഇൻഫോപാർക്ക് എസ്‌ഐ ബി.ശ്രീജിത്തിനെ സസ്‌പെൻഡ് ചെയ്തു. സ്‌പെഷൽ ബ്രാഞ്ച് സമർപ്പിച്ച പ്രാഥമിക അന്വേഷണ റിപ്പോർട്ടിന്റെ അടിസ്ഥാനത്തിൽ സിറ്റി പൊലീസ് കമ്മിഷണർ പുട്ട വിമലാദിത്യയാണ് സസ്‌പെൻഡ് ചെയ്തത്. ചൊവ്വാഴ്ച രാത്രി ഇൻഫോപാർക്ക് റോഡിൽ ബ്രഹ്മപുരം പാലത്തിനു സമീപമായിരുന്നു അപകടം. ശ്രീജിത്ത് ഓടിച്ച കാർ മാറ്റൊരു കാറിലും രണ്ടു ബൈക്കുകളിലും ഇടിച്ചാണ് അപകടമുണ്ടായത്. പരിക്കേറ്റ പാലക്കാട് സ്വദേശി രാകേഷ് ചികിത്സയിലാണ്.