തിരുവനന്തപുരത്ത് പറന്നുയർന്ന വിമാനം തിരിച്ചിറക്കി

തിരുവനന്തപുരം:തിരുവനന്തപുരം വിമാനത്താവളത്തിൽ പറന്നുയർന്ന വിമാനം തിരിച്ചിറക്കി. തിരുവനന്തപുരം - മസ്‌കറ്റ് എയർ ഇന്ത്യ എക്‌സ്പ്രസ് വിമാനമാണ് തിരിച്ചിറക്കിയത് . സാങ്കേതിക തകരാര്‍ ആണെന്നാണ് അധികൃതർ നൽകുന്ന വിശദീകരണം. യന്ത്രത്തകരാർ പരിശോധിക്കുന്നെന്നും വിമാനത്താവള അധികൃതർ അറിയിച്ചു.

8.30 ന് പുറപ്പെട്ട വിമാനം 9.10 ഓടെയാണ് തിരിച്ചിറക്കിയത്. യാത്രക്കാർ വിമാനത്തിനുള്ളില്‍ തന്നെയാണ്.  പ്രശ്‌നം ഉടൻ പരിഹരിക്കുമെന്നും അധികൃതർ വ്യക്തമാക്കി.