തൃശ്ശൂരിൽ ഫർണിച്ചർ കടയിൽ വൻ തീപിടിത്തം

തൃശൂർ: തൃശ്ശൂരിൽ ഫർണിച്ചർ കടയിൽ വൻ തീപിടിത്തം. മരത്താക്കരയിലെ ഡി ടെയില്‍ ഫർണിച്ചർ സ്ഥാപനത്തിനാണ് തീപിടിച്ചത്. എറണാകുളം -തൃശൂർ ദേശിയപാതയോട് ചേർന്നാണ് സ്ഥാപനം. ഫയർ ഫോഴ്സിൻ്റെ ഏഴ് യൂണിറ്റുകൾ എത്തിയാണ് തീയണച്ചത്. അർദ്ധരാത്രി രണ്ടുമണിയോടുകൂടിയാണ് തീപിടിത്തം ഉണ്ടായത്. മണിക്കൂറുകൾ നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമായത്. വലിയ നാശനഷ്ടമാണുണ്ടായിട്ടുള്ളത്. ഷോർട്ട് സെർക്യൂട്ട് ആയിരിക്കാം അപകടകാരണമെന്ന് പ്രാഥമിക നിഗമനം. ആളപായമില്ല.