കോട്ടയത്ത് ശക്തമായ മഴ; വിദ്യാഭ്യാസ സ്ഥാപനങ്ങൾക്ക് നാളെ അവധി

കോട്ടയം: ശക്തമായ മഴയെ തുടർന്ന് കോട്ടയം ജില്ലയിലെ അങ്കണവാടി, പ്രൊഫഷണൽ കോളജുകൾ അടക്കമുള്ള വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. മുൻനിശ്ചയിച്ച പരീക്ഷകൾക്ക് അവധി ബാധകമല്ല.

ശക്തായ മഴയിൽ വാഴൂർ പുളിക്കലിൽ തോട് കരകവിഞ്ഞ് സമീപത്തെ വീടുകളിൽ വെള്ളം കയറുകയും മാടപ്പള്ളിയിൽ വീടിനുമേൽ ഇടിമിന്നലേക്കുകയും ചെയ്തു. പുതുപ്പള്ളി - കറുകച്ചാൽ റോട്ടിലും ശബരിമല പാതയിൽ എരുമേലി അട്ടിവളവിനു സമീപവും മണ്ണിടിഞ്ഞു. ജില്ലയിൽ ജാ​ഗ്രതാ നിർദ്ദേശവും നിയന്ത്രണങ്ങളും ഏർപ്പെടുത്തിയിട്ടുണ്ട്.