കേരളാ വി.സിയുടെ സമനില തെറ്റിയിരിക്കുകയാണെന്ന് സിൻഡിക്കേറ്റ്

തിരുവനന്തപുരം: കേരള സർവകലാശാല വി.സി മോഹനൻ കുന്നുമ്മലിന് എതിരെ രൂക്ഷ വിമർശനവുമായി സിൻഡിക്കേറ്റ്. വി.സി ഗവർണർക്ക് സമർപ്പിച്ച റിപ്പോർട്ട് സർവകലാശാലയുടെതല്ലെന്നും  രാജ്ഭവനിൽ നിയമവിരുദ്ധ യോഗം ചേർന്നാണ് റിപ്പോർട്ട് തയ്യാറാക്കിയതെന്നും സിൻഡിക്കേറ്റ് അംഗങ്ങൾ വിമർശിച്ചു.

യോഗത്തിൽ ഗവർണറും വി.സിയും ചാൻസലർ നോമിനികളും പങ്കെടുത്തു. വി.സിയുടെ സമനില തെറ്റിയിരിക്കുകയാണ്,  ക്ഷണം ലഭിച്ച് തന്നെയാണ് മന്ത്രി ആർ.ബിന്ദു കഴിഞ്ഞദിവസത്തെ സിൻഡിക്കേറ്റ് യോഗത്തിൽ പങ്കെടുത്തതെന്നും അംഗങ്ങൾ വാർത്താകുറിപ്പിൽ പറഞ്ഞു.

സർവകലാശാലയെ തകർക്കാനുള്ള ശ്രമത്തിൽ വി.സിയും കൂട്ട് ചേർന്നെന്നും സർവകലാശാല നിയമത്തെ നിഷേധിക്കുന്ന വി.സി സ്ഥാനത്തിരിക്കാൻ യോഗ്യനല്ലെന്നും സിൻഡിക്കേറ്റ് അംഗങ്ങള്‍ വിമര്‍ശിച്ചു.