'പൊന്നിയൻ സെൽവനി'ലെ കഥാപാത്രങ്ങളെ കൂട്ടുപിടിച്ച് മാലിന്യ സംസ്‌കരണ ക്യാമ്പയിൻ പ്രചാരണവുമായി കൊച്ചി കോർപറേഷൻ

കൊച്ചി: മാലിന്യ സംസ്‌കരണ ക്യാമ്പയിന് വ്യത്യസ്ത പ്രചാരണവുമായി കൊച്ചി കോർപറേഷൻ. മണിരത്‌നം ചിത്രം പൊന്നിയൻ സെൽവനിലെ കഥാപാത്രങ്ങളെ ഉൾപ്പെടുത്തിയ പോസ്റ്ററുകളിലൂടെയാണ് പ്രചാരണം. കുന്തവയും ആദിത്യ കരികാലനും വല്ലവരായനും പൊന്നിയൻ സെൽവനുമെല്ലാം കോർപറേഷൻ പുറത്തിറക്കിയ പോസ്റ്ററുകളിൽ പ്രത്യക്ഷപ്പെട്ടു.

കൊച്ചി ദർബാർ ഹാളിൽ പൊന്നിയൻ സെൽവൻ 2 സിനിമയുടെ പ്രചാരണ പരിപാടിയിലാണ് വ്യത്യസ്തമായ ഈ പോസ്റ്ററുകൾ.

ഓരോ പോസ്റ്ററുകളും എങ്ങനെ മാലിന്യം സംസ്‌കരണ ക്യാമ്പയിന്റെ ഭാഗമാവാമെന്ന് ജനത്തെ ബോധവാന്മാരാക്കുന്നതാണ്. ക്യാമ്പയിനെ കൂടുതൽ ജനകീയമാക്കുകയാണ് ഇതിലൂടെ കോർപ്പറേഷൻ ലക്ഷ്യമാക്കുന്നത്.

Kochi Corporation launched a different campaign for the waste management camp through posters featuring the characters of the Mani Ratnam film Ponniyan Selvan.