ഫ്ലക്സില്‍ നിന്നും ഉമ്മൻ ചാണ്ടിയുടെ ചിത്രം ഒഴിവാക്കി; വാക്കുതര്‍ക്കം കയ്യാങ്കളിയില്‍ കലാശിച്ചു

കോട്ടയം: ഫ്ലക്സില്‍ നിന്നും ഉമ്മൻ ചാണ്ടിയുടെ ചിത്രo ഒഴിവാക്കിയതിനെ ചൊല്ലിയുണ്ടായ വാക്കുതര്‍ക്കം കയ്യാങ്കളിയില്‍ കലാശിച്ചു. ഉമ്മൻ ചാണ്ടി അനുകൂലിയെ എതിർ വിഭാഗo മർദിച്ചു. പരിക്കേറ്റ മനു കുമാർ എന്ന പ്രവർത്തകനെ ആശുപത്രിയിൽ പ്രവേശിപ്പിച്ചു. ഡി.സി.സി ഓഫീസ് സെക്രട്ടറി ലിബിൻ, ഐസക്ക് എന്നിവര്‍ മര്‍ദിച്ചെന്നാണ് പരിക്കേറ്റ മനു കുമാറിന്‍റെ ആരോപണം. ഉമ്മൻ ചാണ്ടിയുടെ ചിത്രം ഒഴിവാക്കിയതിനെ ചൊല്ലി വാട്സ് ആപ്പ് ഗ്രൂപ്പില്‍ തർക്കമുണ്ടായിരുന്നു. ബഫർസോൺ പ്രതിഷേധ സംഗമത്തിന്റെ ഫ്ലക്സിൽ നിന്നാണ് ഉമ്മൻ ചാണ്ടിയെ ഒഴിവാക്കിയത്. യൂത്ത് കോൺഗ്രസ് ജില്ലാ സെക്രട്ടറിമാർ തമ്മിലാണ് കയ്യാങ്കളി ഉണ്ടായത്.