കോഴിക്കോട്ട് പൊലീസ് ജീപ്പ് മറിഞ്ഞ് അപകടം: എസ്ഐ അടക്കം നാലുപേർക്ക് പരിക്ക്

കോഴിക്കോട്: കായണ്ണയിൽ പൊലീസ് ജീപ്പ് മറിഞ്ഞ് അപകടം. പേരാമ്പ്ര സ്റ്റേഷനിലെ പൊലീസ് ജീപ്പാണ് അപകടത്തിൽ പെട്ടത്. സംഭവത്തിൽ എസ്ഐ അടക്കം നാലുപേർക്ക് പരിക്കേറ്റു. എസ്‌ഐ കെ. ജിതിൻ വാസ്, സിവിൽ പൊലീസ് ഓഫീസർമാരായ കൃഷ്ണൻ അനുരൂപ്, മിഷാദ് എന്നിവർക്കാണ് പരിക്കേറ്റത്.

ഇന്ന് 11.30 കൂടിയാണ് അപകടം നടന്നത്. വാഹനത്തിന്റെ നിയന്ത്രണം വിട്ടതാണ് അപകടകാരണം. ഇവരെ ആദ്യം പേരാമ്പ്ര ഇഎംഎസ് സഹകരണ ആശുപത്രിയിലും പിന്നീട് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.

Police jeep overturned in Kayanna, Kozhikode, four persons including SI injured