ട്രെയിനുകൾക്ക് നിയന്ത്രണം ; ജനശതാബ്ദി ഉള്‍പ്പെടെയുള്ള സര്‍വീസുകള്‍ റദ്ദാക്കി

തൃശൂർ: തൃശൂർ ചാലക്കുടിക്കും കറുകുറ്റിക്കും മധ്യേയുള്ള അറ്റകുറ്റപണികളുടെ ഭാഗമായി റെയിൽവേ ട്രെയിനുകൾക്ക് നിയന്ത്രണം ഏർപ്പെടുത്തി. രാവിലെ ആറു മുതൽ രാത്രി 10 വരെയാണ് ഗതാഗതം തടസ്സപ്പെടുക.

തിരുവനന്തപുരം -കണ്ണൂർ,കണ്ണൂർ തിരുവനന്തപുരം ജനശതാബ്ദി സർവീസുകൾ റദ്ദാക്കി. എറണാകുളം വരെയുള്ള രപ്തി സാഗർ എക്സ്പ്രസ് പാലക്കാട് സർവീസ് അവസാനിപ്പിക്കും. തിരുനൽവേലിയിൽ നിന്ന് നാളെ പുറപ്പെടുന്ന ഹംസഫർ വീക്കിലി എക്സ്പ്രസ്, കന്യാകുമാരി - പുണെ ഡെയ്‍ലി എക്സ്പ്രസ് , ഐലൻഡ് എക്സ്പ്രസ് എന്നിവ മധുരൈ വഴി തിരിച്ചുവിട്ടു. ഈ ട്രെയിനുകൾക്ക് വിരുതുനഗർ, മധുരൈ ,ദിണ്ടിഗൽ എന്നിവങ്ങളിൽ സ്റ്റോപ്പുകൾ അനുവദിച്ചിട്ടുണ്ട്.