കാട്ടാനയുടെ ആക്രമണത്തിൽ പരിക്കേറ്റയാൾ മരിച്ചു

സുൽത്താൻ ബത്തേരി: കാട്ടാനയുടെ ആക്രമണത്തിൽ പരിക്കേറ്റ് ചികിത്സയിലായിരുന്ന മധ്യവയസ്കൻ മരിച്ചു. കല്ലുമുക്ക് സ്വദേശി രാജുവാണ് മരിച്ചത്.

കഴിഞ്ഞ തിങ്കളാഴ്ച സുൽത്താൻ ബത്തേരി നായ്ക്കട്ടിയിൽ വച്ച് കാട്ടാനയുടെ അക്രമത്തിൽ ഇയാൾക്ക് ഗുരുതര പരിക്കേറ്റിരുന്നു. സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം.