രാഷ്ട്രപതിയാകാനില്ലെന്ന് മോഹന്‍ ഭാഗവത്
Update: 2017-07-31 16:21 GMT
മത്സരത്തിനില്ല, ആര്.എസ്.എസില്‍ തന്നെ പ്രവര്‍ത്തിക്കാനാണ് താല്‍പര്യമെന്നും അദ്ദേഹം പറഞ്ഞു.
രാഷ്ട്രപതിയാകാനില്ലെന്ന് ആര്.എസ്.എസ് അധ്യക്ഷന്‍ മോഹന്‍ ഭാഗവത്. നാഗ്പൂരില്‍ നടന്ന ചടങ്ങിലാണ് അദ്ദേഹം നിലപാട് വ്യക്തമാക്കിയത്. താന്‍ രാഷ്ട്രപതിയാകാന്‍ ആഗ്രഹിക്കുന്നതായി ചില പ്രചാരണങ്ങള്‍ നടക്കുന്നു, എന്നാല്‍ ഞാന്‍ മത്സരത്തിനില്ല, ആര്.എസ്.എസില്‍ തന്നെ പ്രവര്‍ത്തിക്കാനാണ് താല്‍പര്യമെന്നും അദ്ദേഹം പറഞ്ഞു. ശിവസേനയാണ് മോഹന്‍ ഭഗവതിനെ രാഷ്ട്രപതിയാക്കണമെന്ന് ആവശ്യപ്പെട്ടിരുന്നത്.
കറകളഞ്ഞ വ്യക്തികളാണ് രാഷ്ട്രപതിയാകേണ്ടത്, മോഹന്‍ ഭഗവത് അത്തരത്തിലുള്ള വ്യക്തിയാണ്, ഇന്ത്യയെ ഹിന്ദുരാഷ്ട്രമാക്കണമെങ്കില്‍ ഭാഗവത് രാഷ്ട്രപതിയാകണമെന്നായിരുന്നു ശിവസേന അഭിപ്രായപ്പെട്ടിരുന്നത്. അതേസമയം ഭാഗവതിനെ രാഷ്ട്രപതിയാക്കാനുള്ള ഏത് നീക്കത്തെയും തടയുമെന്ന് കോണ്‍ഗ്രസ് വ്യക്തമാക്കിയിരുന്നു. വരുന്ന ജൂലൈ 24നാണ് പ്രണബ് മുഖര്‍ജിയുടെ കാലാവധി അവസാനിക്കുക.