ഫാദർ ടോം ഉഴുന്നാലി​െൻറ മോചനവുമായി ബന്​ധപ്പെട്ട്​ കേന്ദ്രമന്ത്രി വി.കെ സിങ്ങിന്‍റെ അവകാശവാദം പൊളിയുന്നു

വത്തിക്കാ​െൻറ ഇടപെടലിനെ തുടർന്നാണ്​ പ്രശ്​നത്തിൽ ഇടപെട്ട്​ ഫാദറി​െൻറ മോചനം യാഥാർഥ്യമാക്കിയതെന്ന ഒമാന്‍റെ വിശദീകരണം പുറത്തു വന്നതോടെ കേന്ദ്ര വിദേശകാര്യ മന്ത്രാലയം വെട്ടിലായി.

ഫാദർ ടോം ഉഴുന്നാലി​െൻറ മോചനവുമായി ബന്​ധപ്പെട്ട്​ കേന്ദ്രമന്ത്രി വി.കെ സിങ്ങി​െൻറ അവകാശവാദം പൊളിയുന്നു. വത്തിക്കാ​െൻറ ഇടപെടലിനെ തുടർന്നാണ്​ പ്രശ്​നത്തിൽ ഇടപെട്ട്​ ഫാദറി​െൻറ മോചനം യാഥാർഥ്യമാക്കിയതെന്ന ഒമാന്‍റെ വിശദീകരണം പുറത്തു വന്നതോടെ കേന്ദ്ര വിദേശകാര്യ മന്ത്രാലയം വെട്ടിലായി.

നിശബ്​ദ സ്വഭാവത്തിലുള്ള നയതന്ത്ര നീക്കത്തി​െൻറ വിജയമാണിതെന്നും ഒമാൻ സഹായത്തോടെയാണ്​ കേന്ദ്ര വിദേശകാര്യ മന്ത്രാലയം പ്രവർത്തനങ്ങൾ നടത്തിയതെന്നുമാണ്​ മന്ത്രി വി.കെ സിങ്​ പ്രതികരിച്ചത്​. എന്നാൽ ഇന്ത്യ ഏതെങ്കിലും നിലക്കുള്ള റോൾ പ്രശ്​നത്തിൽ കൈക്കൊണ്ടു എന്നു തെളിയിക്കുന്ന യാതൊരു പരാമർശവും ഒമാ​െൻറ ഒൗദ്യോഗിക വിശദീകരണത്തിൽ ഇല്ല. തങ്ങളുടെ വൈദികനെ വിട്ടുകിട്ടാനുള്ള നടപടി സ്വീകരിക്കണമെന്ന വത്തിക്കാ​െൻറ അഭ്യർഥന മുൻനിർത്തി ഒമാൻ ഭരണാധികാരി സുൽത്താൻ ഖാബൂസ്​ നൽകിയ ഉത്തരവിനെ തുടർന്നാണ്​ മോചന ചർച്ചകൾ നടന്നതെന്ന്​ ഒമാൻ അധികൃതർ തങ്ങളുടെ വിശദീകരണത്തിൽ വ്യക്​തമാക്കുന്നു. യമൻ അധികൃതരും ബന്​ധപ്പെട്ടവരുമായി നടന്ന ഏകോപനത്തിലൂടെയാണ്​ മോചനം സാധ്യമായത്​.

ഫാദർ ടോം മോചിതനായി മസ്​കത്തിൽ വന്നിറങ്ങിയപ്പോൾ മാത്രമാണ്​ മറ്റുള്ളവർ​െക്കാപ്പം ഇന്ത്യൻ നയതന്ത്ര കേന്ദ്രവും സംഭവം അറിയുന്നത്​. ഫാദർ ടോമിനെ വത്തിക്കാനിലേക്കാണ്​ വിമാന മാർഗം കൊണ്ടു പോയതെന്ന വിവരം പോലും ഒമാനിലെ ഇന്ത്യൻ അംബാസഡർ അറിയുന്നത്​ വൈകി മാത്രമാണ്​. വത്തിക്കാനും ഒമാനും അല്ലാതെ മറ്റൊരു കക്ഷിയുടെ ഇടപെടൽ ഫാദറി​െൻറ മോചന കാര്യത്തിൽ ഉണ്ടായിരുന്ന​ില്ലെന്നു​ തന്നെയാണ്​ ഒമാൻ അധികൃതർ വ്യക്​തമാക്കുന്നതും. അറബ്​ ഭരണകൂടങ്ങൾക്കു പുറമെ ഇറാൻ, ഹൂത്തികൾ എന്നിവരുമായും നല്ല ബന്​ധം പുലർത്തുന്ന ഒമാ​െൻറ നയതന്ത്ര വിജയം കൂടിയാണ്​ ഫാദർ ടോം ഉഴുന്നാലി​െൻറ മോചനം. ഒമാൻ ഭരണാധികാരിക്കും രാഷ്​ട്രത്തിനും വത്തിക്കാൻ പ്രത്യേക നന്ദിയും അറിയിച്ചിട്ടുണ്ട്​.