കഷ്ടപ്പാട് സഹിച്ചവര്‍ക്ക് നന്ദിയെന്ന് മോദി; ഭീം ആപ്പ് പുറത്തിറക്കി
Update: 2018-05-27 05:16 GMT
ഡിജിറ്റല്‍ ഇടപാടുകളെ പ്രോത്സാഹിപ്പിക്കുന്ന മൊബൈല്‍ ആപ്ലിക്കേഷന്‍ ചടങ്ങില്‍ അവതരിപ്പിച്ചു
നോട്ട് നിരോധത്തെ തുടര്‍ന്ന് കഷ്ടപ്പാട് സഹിച്ചവര്‍ക്ക് നന്ദി പറഞ്ഞ് പ്രധാനമന്ത്രി നരേന്ദ്ര മോദി. പരിഷ്കാരത്തെ പിന്തുണച്ച മാധ്യമങ്ങള്‍ക്കും പ്രധാനമന്ത്രി നന്ദി പറഞ്ഞു. നോട്ട് നിരോധത്തിന്‍റെ 50ആം ദിവസം ഡല്‍ഹിയില്‍ നടന്ന ഡിജി ധന്‍മേളയിലായിരുന്നു പ്രധാനമന്ത്രിയുടെ വാക്കുകള്‍. ഡിജിറ്റല്‍ ഇടപാടുകളെ പ്രോത്സാഹിപ്പിക്കുന്ന മൊബൈല്‍ ആപ്ലിക്കേഷന്‍ ചടങ്ങില്‍ അവതരിപ്പിച്ചു. ഭീം ആപ്പ് എന്നാണ് ഇതിന് പേരിട്ടിരിക്കുന്നത്.