സൗജന്യ വാക്സിൻ പ്രഖ്യാപനത്തിന് പിന്നാലെ 44 കോടി ഡോസ് കൂടി വാങ്ങാൻ ഓർഡർ നൽകി ​കേന്ദ്രം

സൗജന്യ വാക്സിൻ പ്രഖ്യാപനത്തിന് പിന്നാലെ 44 കോടി ഡോസ് വാക്സിൻ കൂടി വാങ്ങാൻ ഓർഡർ നൽകി കേന്ദ്രസർക്കാർ. സിറം ഇൻസ്​റ്റിറ്റ്യൂട്ടിൽ നിന്ന് 25 കോടി ഡോസ് കോവിഷീൽഡും ഭാരത് ബയോടെകിൽ നിന്ന് 19 കോടി ഡോസ് കോവാക്​സിനും പുതുതായി​ വാങ്ങാനാണ് ഓർഡർ നൽകിയിരിക്കുന്നത്.

രണ്ട്​ കമ്പനികൾക്കും വാക്​സിൻ തുകയുടെ 30 ശതമാനം അഡ്വാൻസ് നൽകിയതായും അധികൃതർ പറഞ്ഞു. ആഗസ്​റ്റ്​ മുതലാണ് വാക്​സിൻ ലഭിച്ച്​ തുടങ്ങുക. കേ​ന്ദ്ര​സ​ർ​ക്കാ​റിന്റെ വാ​ക്​​സി​ൻ വി​ത​ര​ണ ന​യ​ത്തെ രൂ​ക്ഷ​മാ​യി വി​മ​ർ​ശി​ച്ച്​ സു​പ്രീം​കോ​ട​തി ഇ​ട​പെ​ട്ട​തി​നു പി​ന്നാ​ലെയായിരുന്നു തി​രു​ത്ത​ൽ പ്ര​ഖ്യാ​പി​ച്ച്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി കഴിഞ്ഞ ദിവസം രം​ഗത്തെത്തിയത്.

അതേസമയം പുതിയ വാക്​സിൻ നയം നടപ്പിലാക്കാന്‍ 50,000 കോടി ചെലവു വരുമെന്ന് ധനമന്ത്രാലയം വ്യക്തമാക്കി. ആവശ്യമുള്ള പണം സര്‍ക്കാരിന്‍റെ കൈവശമുണ്ടെന്നും സപ്ലിമെന്‍ററി ഗ്രാന്‍റുകളെ ആശ്രയിക്കേണ്ട സാഹചര്യമില്ലെന്നുമാണ് ധനകാര്യമന്ത്രാലയത്തിന്റെ വിലയിരുത്തൽ. ഇതിന്​ പുറമെ ബയോളജിക്കൽ ഇ കമ്പനിയുടെ 30 കോടി ഡോസ് വാക്​സിന്​ കഴിഞ്ഞയാഴ്​ച കേന്ദ്രം ഓർഡർ നൽകിയിട്ടുണ്ടെന്നും അത്​ സെപ്​തംബറോടെ ലഭിക്കുമെന്നും സർക്കാർ വൃത്തങ്ങൾ പറഞ്ഞു.