നീരവ് മോദിയെ ഇന്ത്യക്ക് കൈമാറാന്‍ യു.കെ സര്‍ക്കാറിന്റെ അനുമതി

വാ​യ്പ ത​ട്ടി​പ്പു​കേ​സി​ൽ ല​ണ്ട​നി​ലെ ജ​യിലി​ൽ ക​ഴി​യു​ന്ന വ​ജ്ര വ്യ​വ​സാ​യി നീ​ര​വ് മോ​ദി​യെ ഇ​ന്ത്യ​ക്ക് കൈ​മാ​റാ​ൻ ബ്രി​ട്ടീ​ഷ് സ​ർ​ക്കാ​രി​ന്‍റെ അ​നു​മ​തി. യു​കെ ആ​ഭ്യ​ന്ത​ര സെ​ക്ര​ട്ട​റി പ്രീ​തി പ​ട്ടേ​ൽ ഇ​ത് സം​ബ​ന്ധി​ച്ച ഉ​ത്ത​ര​വി​ൽ ഒ​പ്പി​ട്ടു. നീരവ് മോദിയെ ഇന്ത്യക്ക് കൈമാറാന്‍ നേരത്തേ യുകെ കോടതി ഉത്തരവിട്ടിരുന്നു. ഇതിനുളള നടപടിക്രമങ്ങളാണ് യുകെ സര്‍ക്കാര്‍ ഇപ്പോള്‍ പൂര്‍ത്തീകരിച്ചിരിക്കുന്നത്. ഇന്ത്യയിലെ മോശമായ ജയില്‍ സാഹചര്യങ്ങളും കോവിഡ് മഹാമാരി തന്റെ മാനസികാരോഗ്യത്തെ പ്രതികൂലമായി ബാധിക്കുന്നുവെന്നുമുളള നീരവ് മോദിയുടെ വാദങ്ങളെല്ലാം തളളിക്കൊണ്ടായിരുന്നു കോടതി ഉത്തരവ്. രണ്ടുവര്‍ഷത്തോളം നീണ്ടുനിന്ന നിയമയുദ്ധത്തിനൊടുവിലായിരുന്നു വിവാദ വജ്രവ്യാപാരിയെ ഇന്ത്യക്ക് വിട്ടുനല്‍കാന്‍ കോടതി ഉത്തരവിട്ടത്.

എ​ന്നാ​ൽ ഈ ​ഉ​ത്ത​ര​വി​ലൂ​ടെ നീ​ര​വ് മോ​ദി​യെ ഉ​ട​ൻ ഇ​ന്ത്യ​യി​ലേ​ക്ക് കൊ​ണ്ടു​വ​രു​വാ​ൻ ക​ഴി​യി​ല്ല. നീ​ര​വ് മോ​ദി​ക്ക് 28 ദി​വ​സ​ത്തി​നു​ള്ളി​ൽ ഈ ​ഉ​ത്ത​ര​വി​നെ​തി​രെ യു​കെ ഹൈ​ക്കോ​ട​തി​യെ സ​മീ​പി​ക്കാ​ൻ ക​ഴി​യും. നേ​ര​ത്തെ വി​ജ​യ് മ​ല്യ​യേ​യും ഇ​ന്ത്യ​ക്ക് കൈ​മാ​റാ​ൻ 2019 ഫെ​ബ്രു​വ​രി​യി​ൽ ഉ​ത്ത​ര​വാ​യി​രു​ന്നു. മ​ല്യ കോ​ട​തി​യെ സ​മീ​പി​ച്ച​തി​നാ​ൽ ന​ട​പ​ടി നീ​ണ്ടു​പോ​കു​ക​യാ​ണ്. നി​യ​മ​പ​ര​മാ​യ കൈ​മാ​റ്റ​ത്തി​ന് മാ​സ​ങ്ങ​ളോ വ​ർ​ഷ​ങ്ങ​ളോ എ​ടു​ത്തേ​ക്കാം. പ​ഞ്ചാ​ബ് നാ​ഷ​ണ​ൽ ബാ​ങ്കി​ൽ​നി​ന്ന് (പി‌​എ​ൻ‌​ബി) 14,000 കോ​ടി വാ​യ്പ എ​ടു​ത്ത് മു​ങ്ങി​യെ​ന്നാ​ണ് നീ​ര​വ് മോ​ദി​ക്കെ​തി​രാ​യ കേ​സ്.