ആണവ വിഷയം; ഇറാനും അമേരിക്കയും തമ്മിൽ നേരിട്ടുള്ള ഉന്നതതല ചർച്ച ശനിയാഴ്ച നടക്കുമെന്ന് ട്രംപ്

വാഷിംഗ്ടൺ: ആണവ വിഷയത്തിൽ ഇറാനും അമേരിക്കയും തമ്മിൽ നേരിട്ടുള്ള ഉന്നതതല ചർച്ച ശനിയാഴ്ച നടക്കുമെന്ന്​ യുഎസ്​ പ്രസിഡന്‍റ് ഡോണാൾഡ്​ ട്രംപ്​. ചർച്ച പരാജയപ്പെട്ടാൽ ഇറാന്‍റെ സ്ഥിതി അപകടത്തിലെന്നും ട്രംപിന്‍റെ മുന്നറിയിപ്പ്​. ഗസ്സയെന്ന മരണക്കെണിയിൽ നിന്ന്​ ജനങ്ങളെ മാറ്റിപാർപ്പിക്കുകയാണ്​ പ്രധാനമെന്നും ബന്ദികളുടെ മോചനം ഉറപ്പാക്കാൻ ശ്രമം തുടരുമെന്നും ട്രംപ്​ അറിയിച്ചു.

ആണവ വിഷയത്തിൽ ഇറാനുമായി നേരിട്ടുള്ള ചർച്ച ശനിയാഴ്ച നടക്കുമെന്ന്​ ​ ട്രംപ്​ വെളിപ്പെടുത്തി. ഇസ്രായേൽ പ്രധാനമന്ത്രി ബിന്യമിൻ നെതന്യാഹുവിനൊപ്പം വൈറ്റ്​ ഹൗസിൽ നടത്തിയ വാർത്താസമ്മേളനത്തിലാണ്​ ട്രംപ്​ ഇക്കാര്യം അറിയിച്ചത്​. ചർച്ച പരാജയപ്പെട്ടാൽ ഏറ്റവും വലിയ അപകടമാകും ഇറാൻ നേരിടുകയെന്നും ആണവായുധം സ്വന്തമാക്കാൻ തെഹ്​റാനെ ഒരു നിലക്കും അനുവദിക്കില്ലെന്നും യുഎസ്​ പ്രസിഡന്‍റ്​ മുന്നറിയിപ്പ്​ നൽകി. ഫലസ്തീനികളെ പുറന്തള്ളി ഗസ്സയെ വിനോദ സഞ്ചാര കേന്ദ്രമായി വികസിപ്പിക്കുകയെന്ന പദ്ധതി ട്രംപ്​ ആവർത്തിച്ചു. മരണക്കെണിയിൽ നിന്ന്​ സ്വതന്ത്ര സോണായി മാറുന്ന ഗസ്സയെ മനോഹര ടൂറിസ്റ്റ്​ കേന്ദ്രമായി മാറ്റുകയെന്നതാണ്​ ആശയമെന്നും ട്രംപ്​ കൂട്ടിച്ചേർത്തു.

ഗസ്സയിലുള്ളവർക്ക്​ മറ്റു രാജ്യങ്ങളിലേക്ക്​ സ്വമേധയാ പോകാനുള്ള അവസരം ലഭ്യമാക്കുമെന്ന്​ ഇസ്രായേൽ പ്രധാനമന്ത്രി ബിന്യാമിൻ നെതന്യാഹുവും പ്രതികരിച്ചു. ഇസ്രായേൽ ആക്രമണം വ്യാപിപ്പിച്ച ഗസ്സയിൽ യുദ്ധം അവസാനിപ്പിക്കാനും ബന്ദികളുടെ മോചനത്തിനും ​​ശ്രമം തുടരുമെന്നും അമേരിക്കൻ പ്രസിഡന്‍റ്​ വ്യക്​തമാക്കി. ഒ​ന്ന​ര വ​ർ​ഷ​ത്തി​ലേ​റെ​യാ​യി തു​ട​രു​ന്ന വം​ശ​ഹ​ത്യ​യി​ൽ ഗ​സ്സ​യു​ടെ പ​കു​തിയോളം ഭൂ​പ്ര​ദേ​ശ​ങ്ങ​ളു​ടെ​ നി​യ​ന്ത്ര​ണം ഇ​സ്രാ​യേ​ൽ പി​ടി​ച്ചെ​ടു​ത്ത​താ​യി റി​പ്പോ​ർ​ട്ട്. ഇ​സ്രാ​യേ​ലി സൈ​നി​ക​ർ, മ​നു​ഷ്യാ​വ​കാ​ശ സം​ഘ​ട​ന​ക​ൾ, ഗ​സ്സ വി​ദ​ഗ്ധ​ർ എ​ന്നി​വ​രെ ഉ​ദ്ധ​രി​ച്ച് വാ​ർ​ത്ത ഏ​ജ​ൻ​സി​യാ​യ അ​സോ​സി​യേ​റ്റ​ഡ് പ്ര​സാ​ണ് ഇ​തു​സം​ബ​ന്ധി​ച്ച റി​പ്പോ​ർ​ട്ട് പു​റ​ത്തു​വി​ട്ട​ത്. ഗ​സ്സ അ​തി​ർ​ത്തി മേ​ഖ​ല​യി​ലെ ഭൂ​പ്ര​ദേ​ശ​ങ്ങ​ളാ​ണ് പി​ടി​ച്ചെ​ടു​ത്ത​വ​യി​ൽ ഭൂ​രി​ഭാ​ഗ​വും.