ഗസ്സയിൽ നൂറാം നാളിലും കൂട്ടക്കുരുതി തുടർന്ന്​ ഇസ്രായേൽ; കൊല്ലപ്പെട്ടത് 23,843 പേർ

ഒക്ടോബർ ഏഴിന് ശേഷം ഗസ്സക്കെതിരെ ഇസ്രായേൽ ആരംഭിച്ച ആക്രമണം നൂറാം നാളിലും തുടരുന്നു. കൊല്ല​പ്പെട്ടവരുടെ എണ്ണം ഇരുപത്തി നാലായിരത്തിലേക്ക്​ അടുക്കുകയാണ്​. ഹേഗിലെ അന്താരാഷ്ട്ര നീതിന്യായ കോടതിക്ക് ഉൾപ്പെടെ ആർക്കും ഗസ്സ യുദ്ധത്തിൽനിന്ന്​ തങ്ങളെ പിന്തിരിപ്പിക്കാനാവില്ലെന്നാണ് പ്രധാനമന്ത്രി ബെഞ്ചമിൻ നെതന്യാഹുവിന്റെ നിലപാട്.

അതിനിടെ ഹൂത്തി സൈനിക കേന്ദ്രങ്ങൾക്ക്​ നേരെ കൂടുതൽ ആക്രമണം നടത്താൻ അമേരിക്കയും ബ്രിട്ടനും നീങ്ങുന്നതായുള്ള റിപ്പോർട്ടുകളും പുറത്തുവന്നു​. സംഘർഷം കനത്തതോടെ കൂടുതൽ കപ്പലുകൾ ചെങ്കടൽ വഴിയുള്ള യാത്ര ഉപേക്ഷിച്ചു.

ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​ൽ ഗ​സ്സ​യി​ൽ 24 മ​ണി​ക്കൂ​റി​നി​ടെ 151 പേ​ർ കൊ​ല്ല​പ്പെ​ട്ട​താ​യി ആ​രോ​ഗ്യ മ​ന്ത്രാ​ല​യം അറിയിച്ചു. 248 പേ​ർ​ക്ക് പ​രി​ക്കേ​റ്റു. ഗസ്സയിൽ മരണസംഖ്യ 23,843 ആയി. 60,317 പേ​ർ​ക്ക് പ​രി​​ക്കേ​റ്റു. കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ 7,000 പേ​രെ കാ​ണാ​താ​യി​ട്ടു​ണ്ട്. ഗ​സ്സ​യി​ൽ കൊ​ല്ല​പ്പെ​ട്ട മാ​ധ്യ​മ​പ്ര​വ​ർ​ത്ത​ക​രു​ടെഎ​ണ്ണം 117 ആ​യെ​ന്ന് സ​ർ​ക്കാ​ർ മാ​ധ്യ​മ ഓ​ഫി​സ് അ​റി​യി​ച്ചു.

സമ്പൂർണ വിജയം നേടും വരെ ഗസ്സ യുദ്ധം തുടരുമെന്നും ആർക്കും അതിൽ നിന്ന്​ ഇസ്രായേലിനെ തടയാനാകില്ലെന്നും നെതന്യാഹു വ്യക്തമാക്കുന്നു. വടക്കൻ ഗസ്സയിലേക്ക്​ ഫലസ്​തീനികളുടെ തിരിച്ചുവരവിന്​ അവസരം ഒരുക്കുമെന്ന യു.എസ്​ സ്​റ്റേറ്റ്​ സെക്രട്ടറി ആൻറണി ബ്ലിൻ​ങ്കെന്റെ പ്രഖ്യാപനവും നെതന്യാഹു തള്ളി. യുദ്ധം നടക്കു​​മ്പോൾ ജനങ്ങളുടെ തിരിച്ചുവരവ്​ പ്രായോഗികമല്ലെന്നും അദ്ദേഹം പറഞ്ഞു.

നൂറാം ദിവസവും സയണിസ്​റ്റ്​ രാജ്യത്തിനെതിരെ പോരാളികൾ ശക്​തമായ പ്രതിരോധം തുടരുന്നതായി ഹമാസ്​ നേതാവ്​ ഒസാമ ഹംദാൻ വ്യക്തമാക്കി. അധിനിവേശത്തിന്​ അന്ത്യം കുറിക്കാതെ ചെറുത്തനിൽപ്പ്​ അവസാനിക്കില്ലെന്നും ഹമാസ്​ വ്യക്തമാക്കുന്നു.

അ​തി​നി​ടെ, യ​മ​നി​ൽ ഹൂ​തി​ക​ൾ​ക്കെ​തി​രെ അ​മേ​രി​ക്ക​യും ബ്രി​ട്ട​നും ന​ട​ത്തി​യ ആ​ക്ര​മ​ണ​ത്തെ ഇറാൻ ശക്​തമായി അപലപിച്ചു. ചെങ്കടൽ മുഖേന ഇസ്രായേൽ കപ്പലുകളുടെ സുരക്ഷ ഒരുക്കാനാണ്​ വൻശക്​തികളുടെ നീക്കമെന്നും ഇറാൻ കുറ്റപ്പെടുത്തി. യു.എസ്​, ബ്രിട്ടൻ ആക്രമണമൊന്നും ഫലസ്​തീൻ ജനതയോടുള്ള ഐക്യപ്പെടലിൽനിന്ന്​ തങ്ങളെ പിന്തിരിപ്പിക്കില്ലെന്ന്​ ഹൂതികൾ പ്രതികരിച്ചു.

ഗ​സ്സ​യി​ൽ അ​ന്താ​രാ​ഷ്ട്ര മാ​നു​ഷി​കനി​യ​മ​ങ്ങ​ൾ പാ​ലി​ക്കു​ന്ന​തി​ൽ ഇ​സ്രാ​യേ​ൽ തു​ട​ർ​ച്ച​യാ​യി പ​രാ​ജ​യ​പ്പെ​ടു​ക​യാ​ണെ​ന്ന് യു.​എ​ൻ മ​നു​ഷ്യാ​വ​കാ​ശ ഏ​ജ​ൻ​സി കു​റ്റ​പ്പെ​ടു​ത്തി. ആ​ക്ര​മ​ണം ന​ട​ത്തു​മ്പോ​ൾ മു​ൻ​ക​രു​ത​ൽ വേ​ണ​മെ​ന്ന അ​ന്താ​രാ​ഷ്ട്ര നി​യ​മ​ങ്ങ​ൾ ഇ​സ്രാ​യേ​ൽ ലം​ഘി​ക്കു​ക​യാ​ണെ​ന്നും മ​നു​ഷ്യാ​വ​കാ​ശ​ങ്ങ​ൾ​ക്കു​ള്ള യു.​എ​ൻ ഹൈക​മീ​ഷ​ണ​ർ ഓ​ഫി​സ് വ​ക്താ​വ് എ​ലി​സ​ബ​ത്ത് ത്രോ​സ്സെ​ൽ പ​റ​ഞ്ഞു.