വെടിനിർത്തലിന് മധ്യസ്ഥ രാജ്യങ്ങൾ വഴി പുതിയ നിർദേശം സമർപ്പിച്ച് ഇസ്രായേൽ; പഠിച്ച ശേഷം പ്രതികരിക്കുമെന്ന് ഹമാസ്

​ഗസ്സ: ​വെ​ടി​നി​ർ​ത്ത​ലി​നും ബ​ന്ദിമോ​ച​ന​ത്തി​നു​മാ​യി പു​തി​യ നി​ർ​ദേ​ശം സ​മ​ർ​പ്പി​ച്ച് ഇ​സ്രാ​യേ​ൽ. ഈ​ജി​പ്ത്, ഖ​ത്ത​ർ എ​ന്നി​വ മുഖേന ഇ​സ്രാ​യേ​ൽ സ​മ​ർ​പ്പി​ച്ച നി​ർ​ദേ​ശം ല​ഭി​ച്ച​താ​യി ഹ​മാ​സ് ഗ​സ്സ ഉ​പ​മേ​ധാ​വി ഖ​ലീ​ൽ അ​ൽ ഹ​യ്യ അ​റി​യി​ച്ചു. ആ​റാ​ഴ്ച​​ത്തെ വെ​ടി​നി​ർ​ത്ത​ലി​ന് പ​ക​ര​മാ​യി 20 ബ​ന്ദി​ക​ളെ മോ​ചി​പ്പി​ക്കു​ക എ​ന്ന​താ​ണ് പ്ര​ധാ​ന നി​ർ​ദേ​ശമെന്നാണ്​ സൂചന. നേ​ര​ത്തെ 40 ബ​ന്ദി​ക​ളു​ടെ മോ​ച​ന​മാ​യി​രു​ന്നു ആ​വ​ശ്യ​പ്പെ​ട്ടി​രു​ന്ന​ത്. ഇസ്രായേൽ മധ്യസ്ഥ രാജ്യങ്ങൾ വഴി മുന്നോട്ടുവച്ച പുതിയ വെടിനിർത്തൽ നിർദേശം പഠിച്ചതിനു ശേഷം പ്രതികരിക്കാമെന്നാണ് ഹമാസ് അറിയിച്ചിരിക്കുന്നത്.

യുദ്ധം അവസാനിപ്പിച്ച്​ സൈ​നി​ക പി​ന്മാ​റ്റം വേണമെന്ന നി​ല​പാ​ടി​ൽ മാറ്റമില്ലെന്ന്​ കഴിഞ്ഞദിവസം ഹമാസ്​ നേതൃത്വം അറിയിച്ചിരുന്നു. ഗസ്സയിൽ വെടിനിർത്തലിന്​ സാധ്യത കൂടുതലാണെന്ന്​ യു.എസ്​ സ്റ്റേറ്റ്​ വകുപ്പും വ്യക്തമാക്കി. ഇസ്രായേലും മധ്യസ്ഥ രാജ്യങ്ങളുമായി ആശയവിനിമയം തുടരുകയാണെന്ന് അമേരിക്ക അറിയിച്ചു. വെടിനിർത്തൽ കരാർ നടപ്പായാൽ ഗസ്സയ്ക്കു നേരെയുള്ള ആക്രമണത്തിൽ നിന്ന്​ പിൻവാങ്ങുമെന്ന്​ ഇസ്രായേൽ വിദേശകാര്യ മന്ത്രി വെളിപ്പെടുത്തി.

അതേസമയം, തങ്ങളുടെ മോചനം യാഥാർഥ്യമാക്കാൻ നീക്കം നടത്തണമെന്നാവശ്യപ്പെട്ടുള്ള ബന്ദികളുടെ പുതിയ വീഡിയോ ഹമാസ്​ പുറത്തുവിട്ടു. ഇതോടെ എത്രയും പെ​ട്ടെന്ന്​ ബന്ദിമോചനം നടപ്പാക്കാൻ ഹമാസുമായി കരാർ രൂപപ്പെടുത്തണം എന്നാവശ്യപ്പെട്ട്​ ബന്ധുക്കൾ രംഗത്തുവന്നു. റഫയ്ക്കു നേരെയുള്ള കരയാക്രമണം ബന്ദികളുടെ ജീവൻ അപകടത്തിലാക്കുമെന്നും ഉടൻ വെടിനിർത്തൽ കരാർ വേണമെന്നും ആവശ്യപ്പെട്ട്​ പതിനായിരങ്ങൾ തെരുവിലിറങ്ങി.

തെൽഅവീവിൽ പ്രതിരോധ മന്ത്രാലയത്തിനും നെതന്യാഹുവിന്റെ വസതിക്കും മുന്നിലായിരുന്നു പ്രതിഷേധം. ഏതാനും പേരെ പൊലീസ്​ അറസ്റ്റ്​ ചെയ്​തു. പ്രതിഷേധം ഇപ്പോഴും തുടരുകയാണ്​. ഹമാസുമായുള്ള കരാറിന്​ ചില മന്ത്രിമാർ അനുകൂലമാണെങ്കിലും നെതന്യാഹു കടുത്ത നിലപാടാണ്​ സ്വീകരിക്കുന്നതെന്ന്​ ഇസ്രായേൽ മാധ്യമങ്ങൾ റിപ്പോർട്ട്​ ചെയ്​തു.

അതേസമയം, അമേരിക്ക അടക്കമുള്ള രാജ്യങ്ങളിൽ ഫലസ്തീനായി വിദ്യാർഥി പ്രതിഷേധം തുടരുകയാണ്. ഗസ്സ യുദ്ധത്തിനെതിരെയും ഫലസ്​തീൻ ജനതയ്ക്ക്​ അനുകൂലമായും അമേരിക്കൻ സർവകലാശാലകളിൽ തുടരുന്ന പ്രക്ഷോഭം അമർച്ച ചെയ്യാനുളള ഭരണകൂടനീക്കം വിജയിച്ചില്ല. ഇന്ത്യാന സ്റ്റേറ്റ്​ യൂനിവേഴ്​സിറ്റി കാമ്പസിൽ ടെന്റ്​ കെട്ടി പ്രതിഷേധിച്ചതിന്​ 23 വിദ്യാർഥികളെ അറസ്റ്റ്​ ചെയ്​തു. വംശഹത്യാ കേസിൽ അന്താരാഷ്​ട്ര ക്രിമിനൽ കോടതി അറസ്റ്റ്​ വാറണ്ട്​ പുറപ്പെടുവിക്കുന്നത്​ തടയാൻ നെതന്യാഹും അമേരിക്കയുടെ പിന്തുണ തേടിയതായി മാധ്യമങ്ങൾ റിപ്പോർട്ട്​ ചെയ്​തു.