കിങ് ഫഹദ് സ്റ്റേഡിയത്തില്‍ നടന്ന കാറോട്ട മത്സരം വിസ്മയമായി
കാണികളാല്‍ സമ്പന്നമായിരുന്നു ആദ്യമായി സൌദിയില്‍ വിരുന്നെത്തിയ കാറോട്ട മത്സരം
സൌദിയിലെ റിയാദില്‍ കിങ് ഫഹദ് സ്റ്റേഡിയത്തില്‍ നടന്ന കാറോട്ട മത്സരം കാണികള്‍ക്ക് വിസ്മയമായി. ആദ്യമായി സൌദിയില്‍ വിരുന്നെത്തിയ കാറോട്ട മത്സരത്തില്‍ ഫോര്‍മുല വണ്‍ താരങ്ങളും അണിനിരന്നു. മത്സരം കാണാന്‍ സ്ത്രീകള്‍ക്കും കുടുംബങ്ങള്‍ക്കുമെല്ലാം പ്രവേശം നല്‍കിതോടെ മത്സരം ജനകീയമായി.
മാറുന്ന സൌദിയിലേക്ക് കരുത്തോടെയെത്തുകയാണ് ലോക താരങ്ങള്‍. റിയാദില്‍ നടന്ന മത്സരത്തില്‍ ഫോര്‍മുല വണ്‍ താരങ്ങളും ചാമ്പ്യന്മാരും പങ്കെടുത്തു. കാണികളാല്‍ സമ്പന്നമായിരുന്നു ആദ്യമായി സൌദിയില്‍ വിരുന്നെത്തിയ കാറോട്ട മത്സരം. കുടുംബങ്ങള്‍ക്ക് പ്രവേശം നല്‍കിയ കാറോട്ട മത്സരമെന്ന നേട്ടവും ഇതിനുണ്ട്. ബൈക്ക് സ്റ്റണ്ടുകളും കാണികളെ വിസ്മയിപ്പിച്ചു. വരും വര്‍ഷങ്ങളിലും സമാന രീതിയില്‍ അന്താരാഷ്ട്ര മത്സരങ്ങള്‍ സൌദിയില്‍ വിരുന്നെത്തും.