ബെസ്റ്റ് കാര്‍ഗോ യു.എ.ഇയിലേക്കും
സൗദിയില്‍ 11 ശാഖകളും ഇന്ത്യയില്‍ 20 ലേറെ ഡെലിവറി ബ്രാഞ്ചുകളുമുള്ള ബെസ്റ്റ് കാര്‍ഗോ 1993 മുതല്‍ സൗദിയില്‍ സജീവമാണ്.
സൗദിയിലെ 'ബെസ് റ്റ് കാര്‍ഗോ' യു.എ.ഇയിലേക്കും പ്രവര്‍ത്തനം വ്യാപിപ്പിക്കുന്നു. ആദ്യ ശാഖ ഈ മാസം 22ന് ദുബൈ ബര്‍ദുബൈ അല്‍റഫ സ്ട്രീറ്റില്‍ പാണക്കാട് ഹൈദരലി ശിഹാബ് തങ്ങള്‍ ഉദ് ഘാടനം ചെയ്യും.
സൗദിയില്‍ 11 ശാഖകളും ഇന്ത്യയില്‍ 20 ലേറെ ഡെലിവറി ബ്രാഞ്ചുകളുമുള്ള ബെസ്റ്റ് കാര്‍ഗോ 1993 മുതല്‍ സൗദിയില്‍ സജീവമാണ്. ഇന്ത്യയിലെ പ്രധാന വിമാനത്താവളങ്ങളിലെല്ലാം സ്വന്തമായി ക്ലിയറന്‍സും അന്താരാഷ് ട്ര കൊറിയര്‍ ലൈസന്‍സുമുണ്ട്.
ദേര, അബൂദബി, സോനാപൂര്‍, ഷാര്‍ജ എന്നിങ്ങനെ നാല് ബ്രാഞ്ചുകള്‍ കൂടി അടുത്ത മാസം ആരംഭിക്കും. എയര്‍ കാര്‍ഗോയില്‍ മൂന്നു മുതല്‍ ഏഴു ദിവസം കൊണ്ട് ഡെലിവറി സാധ്യമാക്കുമെന്നും ഈ വര്‍ഷം ഏപ്രില്‍ മുതല്‍ മണിബാക്ക് ഗ്യാരണ്ടി ഡെലിവറി ഏര്‍പ്പെടുത്തുമെന്നും ഇന്റര്‍നാഷനല്‍ ഓപ്പറേഷന്‍സ് മാനേജര്‍ രവി നായര്‍ വാര്‍ത്താ സമ്മേളനത്തില്‍ പറഞ്ഞു.
യു.എ.ഇ ഓപ്പറേഷന്‍സ് മാനേജര്‍ ഫിറോസ്, ബി.ഡി.എം സനൂഫ്, സി.ഇ.ഒ നബീല്‍ പുളിക്കല്‍, സൗദി ഓപ്പറേഷന്‍സ് മാനേജര്‍ ആസിഫ്, ജാക്കി റഹ് മാന്‍ ആംബിയന്റ് എന്നിവരും വാര്‍ത്താ സമ്മേളനത്തില്‍ സംബന്ധിച്ചു.