യു എ ഇയിൽ പുതിയ കോവിഡ് ചികിൽസാരീതിക്ക് അനുമതി; സോട്രോവിമാബ് ആന്റിബോഡിക്ക് അനുമതി നൽകുന്ന ആദ്യരാജ്യം

യു എ ഇയിൽ പുതിയ കോവിഡ് ചികിൽസാ രീതിക്ക് അനുമതി. സോട്രോവിമോബ് ആന്റിബോഡി ചികിൽസക്കാണ് അനുമതി നൽകിയത്. ലോകത്ത് ഈ ചികിൽസക്ക് അനുമതി നൽകുന്ന ആദ്യത്തെ രാജ്യമാണ് യു എ ഇ.

അമേരിക്കൻ കമ്പനിയായ ജി.എസ്​.കെ കണ്ടെത്തിയ സൊട്രോവിമാബിനാണ്​ യു.എ.ഇ ആരോഗ്യ, രോഗപ്രതിരോധ മന്ത്രാലയം അംഗീകാരം നൽകിയത്​. അടിയന്തിര ആവശ്യത്തിനായി മരുന്ന്​ ഉപയോഗിക്കാൻ അംഗീകാരവും ലൈസൻസും നൽകുന്ന ആദ്യ രാജ്യമാണ്​ യു.എ.ഇ. രോഗികളിൽ പരീക്ഷിച്ച്​ വിജകരമാണെന്ന്​ ഉറപ്പുവരുത്തിയ ശേഷമാണ്​ വിതരണമെന്ന്​ ആരോഗ്യ മന്ത്രാലയം അറിയിച്ചു. 24 മണിക്കൂറിനുള്ളിൽ രോഗികൾക്ക്​ ആശുപത്രി വിടാൻ പുതിയ ചികിത്സ ഉപകരിക്കും. മരണവും ഐ.സി.യു വാസവും ഒഴിവാക്കാം. 85 ശതമാനം ഫലപ്രദമാണെന്ന്​ കണ്ടെത്തിയ മരുന്ന്​ ഉപയോഗിക്കുന്നതിന്​ പാർശ്വ ഫലങ്ങളില്ലെന്നും അധികൃതർ വ്യക്​തമാക്കി. 12 വയസിന്​ മുകളിലുള്ള കുട്ടികളിൽ അവർക്ക് 40 കിലോയിൽ കൂടുതൽ ഭാരമുണ്ടെങ്കിൽ ഈ മരുന്ന് നൽകാം​. മോണോ​േക്ലാണൽ ആൻറി ​ബോഡിയാണ്​ സോ​ട്രോവിമാബ്.​. കോവിഡി​െൻറ വകഭേദങ്ങളെ തടഞ്ഞുനിർത്താനും ഈ മരുന്ന്​ ഉപകാരപ്പെടുമെന്ന്​ കരുതുന്നു. ഇന്ത്യൻ വകഭേദങ്ങൾക്ക് ഇത് ഫലപ്രദമാണെന്നാണ് ആരോഗ്യവിദഗ്ധരുടെ വിലയിരുത്തൽ.

ഈ മരുന്ന്​ ഇന്ത്യയിൽ ഉപയോഗിക്കാൻ തുടങ്ങുമെന്ന്​ കഴിഞ്ഞ ദിവസം കമ്പനി അധികൃതർ അറിയിച്ചിരുന്നു.

ശ്വേതരക്താണുക്കൾ ക്ലോൺ ചെയ്ത് നിർമിക്കുന്നതാണ് മോണോക്ലോണൽ ആന്റിബോഡി.