വാറ്റ്​ നിയമം ശരിയായി പാലിക്കുന്നുവെന്ന്​ ഉറപ്പാക്കാൻ പരിശോധന

ബഹ്റൈനിൽ സ്​ഥാപനങ്ങളിൽ വാറ്റ്​ നിയമം ശരിയായി പാലിക്കുന്നുവെന്ന്​ ഉറപ്പാക്കാൻ പരിശോധന ശക്​തി​പ്പെടുത്തിയതായി വാണിജ്യ, വ്യവസായ, ടൂറിസ മന്ത്രാലയം അറിയിച്ചു.

നാഷണൽ റവന്യൂ അതോറിറ്റിയുടെ സഹകരണത്തോടെയാണ്​ വിവിധ സ്​ഥാപനങ്ങളിൽ പരിശോധന നടത്തിയത്​. കഴിഞ്ഞ ദിവസം 40 സ്​ഥാപനങ്ങളിൽ പരിശോധന നടത്തിയതായി ബന്ധപ്പെട്ടവർ അറിയിച്ചു. 

പരിശോധന നടത്തുന്നതോടൊപ്പം ബോധവൽക്കരണവും നടക്കുന്നുണ്ട്​. വാറ്റ്​ 10 ശതമാനമാക്കി വർധിപ്പിച്ചതിന്​ ശേഷം വിവിധ സ്​ഥാപനങ്ങളിൽ നിയമ ലംഘനം കണ്ടെത്തിയിരുന്നു. 10,000 ദിനാർ ​വരെ പിഴ ലഭിക്കുന്ന ശിക്ഷയാണ്​ വാറ്റ്​ നിയമ ലംഘനമെന്ന്​ അധികൃതർ വ്യക്​തമാക്കി.