ബഹ്റൈൻ രാജാവിന്​ അറബ്​ റെഡ്​​ക്രോസ്​, റെഡ്​ക്രസൻറ്​ അവാർഡ്​

ബഹ്റൈൻ രാജാവ്​ ഹമദ്​ ബിൻ ഈസ ആൽഖലീഫക്ക്​ അറബ്​ റെഡ്​ക്രോസ്​, റെഡ്​ ക്രസൻറ്​ എന്നിവയുടെ അവാർഡ്​. പ്രാദേശിക, അന്തർദേശീയ തലങ്ങളിലെ മാനുഷിക പ്രവർത്തന മികവ്​ പരിഗണിച്ചാണ്​ 'അബൂബക്കർ സിദ്ദീഖ്​' അവാർഡിന്​ ഹമദ്​ രാജാവ്​ അർഹനായത്​. സാഫിരിയ്യ പാലസിൽ കഴിഞ്ഞ ദിവസം നടന്ന ചടങ്ങിൽ ഹമദ്​ രാജാവ്​ അവാർഡ്​ ഏറ്റുവാങ്ങി.അറബ്​ റെഡ്​ ക്രസൻറ്​ ആൻറ്​ റെഡ്​ ക്രോസ്​ സൊസൈറ്റി ജനറൽ ​സെക്രട്ടറി ഡോ. സാലിഹ്​ ബിൻ ഹമദ്​ അത്തുവൈജി അവാർഡ്​ സമ്മാനിച്ചു.

ബഹ്​റൈൻ റെഡ്​ ക്രസൻറ്​ സൊ​ൈസറ്റി ചെയർമാനും 45 ാമത്​ റെഡ്ക്രോസ്​ ആൻറ്​ റെഡ്​ ക്രസൻറ്​ സൊസൈറ്റി ജനറൽ കൗൺസിൽ ചെയർമാനും ഉപപ്രധാനമന്ത്രിയുമായ ശൈഖ്​ ഖാലിദ്​ ബിൻ അബ്​ദുല്ല ആൽ ഖലീഫ, സൗദി റെഡ്​ ക്രസൻറ്​ പ്രസിഡൻറ്​ ഡോ. ജലാൽ മുഹമ്മദ്​ അൽ ഉവൈസി, ഇൗജിപ്​ത്​ റെഡ്​ ക്രസൻറ്​ സൊസൈറ്റി റാമി ജമീൽ അന്നാദിർ, ഇറാഖ്​ റെഡ്​ ക്രസൻറ്​ സൊസൈറ്റി പ്രസിഡൻറ്​ യാസീൻ അഹ്​മദ്​ അബ്ബാസ്​, ഫലസ്​തീൻ റെഡ്​​് ക്രസൻറ്​ സൊസൈറ്റി പ്രസിഡൻറ്​ യൂനുസ്​ നമിർ അൽ ഖത്തീബ്​ എന്നിവർ ചടങ്ങിൽ സന്നിഹിതരായിരുന്നു.

ഇത്തരമൊരു നേട്ടം കൈവരിക്കാനായതിലുള്ള സന്തോഷവും നന്ദിയും ഹമദ്​ രാജാവ്​ പങ്കുവെക്കുകയും മാനുഷിക സേവന പ്രവർത്തനങ്ങളിൽ കൂടുതൽ മികവോടെ മുന്നോട്ടു പോകാൻ ഇരു കൂട്ടായ്​മക്കും സാധിക്ക​ട്ടെയെന്ന്​  ആശംസിക്കുകയും ചെയ്​തു.