ബിരുദം അനിവാര്യമല്ലാത്ത തൊഴിൽ മേഖലകളിൽ സ്വദേശികൾക്ക് സംവരണം ഏർപ്പെടുത്തണമെന്ന് പാർലമെന്റം​ഗങ്ങൾ.

മനാമ: ബി​രു​ദം നിർബന്ധമല്ലാത്ത പൊ​തു-​സ്വ​കാ​ര്യ തൊ​ഴി​ൽ മേ​ഖ​ല​ക​ളി​ൽ ബഹ്റൈൻ സ്വദേശികൾക്ക് സം​വ​ര​ണം ഏ​ർ​പ്പെ​ടു​ത്ത​ണ​മെ​ന്ന

നി​ർ​ദേ​ശ​വു​മാ​യി എം.​പി​മാ​ർ. വരുന്ന അ​ഞ്ച് വ​ർ​ഷ​ത്തി​നു​ള്ളി​ൽ ഇ​ത്ത​രം ത​സ്തി​ക​ക​ളി​ലു​ള്ള വി​ദേ​ശി​ക​ളെ മാ​റ്റി സ്വ​ദേ​ശി​ക​ളെ നിയമിക്കണമെന്ന നി​ർ​ദേ​ശ​മാ​ണ് പാർലമെന്റം​ഗങ്ങൾ മു​ന്നോ​ട്ടു​വെ​ച്ച​ത്.

എ​ല്ലാ സ്ഥാ​പ​ന​ങ്ങ​ളി​ലെയും ഇ​ത്ത​രം ത​സ്തി​ക​ക​ളി​ലെ വി​ദേ​ശ തൊഴിലാളികളുടെ സാ​ന്നി​ധ്യം ക​ണ്ടെ​ത്ത​ണ​മെ​ന്നും ​ഗവർൺമെന്റിനോട് എം.​പി​മാ​ർ ആ​വ​ശ്യ​പ്പെ​ട്ടു. രാ​ജ്യ​ത്തെ തൊ​ഴി​ൽ​നിരക്ക് വ​ർ​ധി​പ്പി​ക്കു​ന്ന​തി​നും സു​സ്ഥി​ര വി​ക​സ​നം കൈ​വ​രി​ക്കു​ന്ന​തി​നും ഇത് അനിവാര്യമാണെന്നാണ് എം.പിമാരുടെ വാദം. എ​ന്നാ​ൽ, 2010ലെ ​സി​വി​ൽ സ​ർ​വീ​സ് നി​യ​മ​ത്തി​ലെ ആ​ർ​ട്ടി​ക്കി​ൾ 11 പ്ര​കാ​രം ഇ​ത്ത​രം മേ​ഖ​ല​ക​ളി​ൽ സ്വദേശികൾക്ക് മു​ൻ​ഗ​ണ​ന ഉ​റ​പ്പു​വ​രു​ത്തു​ന്നു​ണ്ടെ​ന്ന് അധികൃതർ പ​റ​ഞ്ഞു.

കൂടാതെ വി​ദേ​ശി​ക​ളു​ടെ തൊ​ഴി​ൽ കോ​ൺ​ട്രാ​ക്ട് പു​തു​ക്കു​ന്ന​തി​ന് മു​മ്പ് യോ​ഗ്യ​രാ​യ സ്വദേശികളുണ്ടോയെന്ന് പ​രി​ശോ​ധി​ക്കാ​റു​ണ്ടെ​ന്നും അ​ത്ത​രം യോ​ഗ്യ​ത​യു​ള്ള​വ​രെ കി​ട്ടാ​ത്ത സാ​ഹ​ച​ര്യ​ത്തി​ൽ മാ​ത്ര​മാ​ണ് വി​ദേ​ശ തൊ​ഴി​ലാ​ളി​ക​ളെ നിയമിക്കാറുള്ളതെന്നും അധികാരികൾ പറയുന്നു.

രാജ്യത്തെ തൊ​ഴി​ലി​ല്ലാ​യ്മ നി​യ​ന്ത്രി​ക്കു​ന്ന​തി​നും സ്വദേശികളായ തൊ​ഴി​ലാ​ളി​ക​ളെ സം​ര​ക്ഷി​ക്കു​ന്ന​തി​നു​മു​ള്ള നിർദേശമെന്ന നിലയിൽ ജ​ന​റ​ൽ ഫെ​ഡ​റേ​ഷ​ൻ ഓ​ഫ് ബ​ഹ്‌​റൈ​ൻ ട്രേ​ഡ് യൂ​നി​യ​ൻ​സും ബ​ഹ്‌​റൈ​ൻ ഫ്രീ ​ലേ​ബ​ർ യൂ​നി​യ​ൻ​സ് ഫെ​ഡ​റേ​ഷ​നും ഈ ​നി​ർ​ദേ​ശ​ത്തെ അം​ഗീ​ക​രി​ച്ചി​ട്ടു​ണ്ട്. ബ​ഹ്റൈ​ൻ ചേം​ബ​ർ ശരിവെച്ച നി​ർ​ദേ​ശം പാ​ർ​ല​മെ​ന്‍റിന്റെ അം​ഗീ​കാ​ര​ത്തി​നാ​യി സമർപ്പിച്ചിരിക്കുകയാണ്.