ബഹ്റൈൻ​ രാജാവ്​ ഔദ്യോഗിക സന്ദർശനത്തിനായി സൗദിയിലെത്തി

ഔദ്യോഗിക സന്ദർശനത്തിനായി രാജാവ്​ ഹമദ്​ ബിൻ ഈസ ആൽ ഖലീഫ കഴിഞ്ഞ ദിവസം സൗദി അറേബ്യയിൽ എത്തി. റിയാദ്​ എയർപോർട്ടിലെത്തിയ അദ്ദേഹത്തെ കിരീടാവകാശി പ്രിൻസ്​ മുഹമ്മദ്​ ബിൻ സൽമാൻ ബിൻ അബ്​ദുൽ അസീസ്​ അൽ സുഊദ്​, റിയാദ്​ ഉപ ഗവർണർ പ്രിൻസ്​ മുഹമ്മദ്​ ബിൻ അബ്​ദുറഹ്​മാൻ ബിൻ അബ്​ദുൽ അസീസ്​, സൗദിയിലെ ബഹ്​റൈൻ അംബാസഡർ ശൈഖ്​ അലി ബിൻ അബ്​ദുറഹ്​മാൻ ബിൻ അലി അൽഖലീഫ, സൗദി ഇൻഫർമേഷൻ ആന്‍റ്​ വാണിജ്യ കാര്യ മന്ത്രി ഡോ. മാജിദ്​ ബിൻ അബ്​ദുല്ല അൽ കസ്​ബി എന്നിവരുടെ നേതൃത്വത്തിൽ സ്വീകരിച്ചു. 

സൗദി രാജാവ്​ സൽമാൻ ബിൻ അബ്​ദുൽ അസീസ്​ അൽ സുഊദുമായി അദ്ദേഹം കൂടിക്കാഴ്ചയും ചർച്ചയും നടത്തും. ബഹ്​റൈനും സൗദിയും തമ്മിൽ നിലനിൽക്കുന്ന ആഴത്തിലുള്ള ബന്ധവും വിവിധ മേഖലകളിലെ സഹകരണവും ശക്​തമാക്കാൻ സന്ദ​ർശനം കാരണമാകുമെന്ന്​ അദ്ദേഹം പ്രതീക്ഷ ​പ്രകടിപ്പിച്ചു.

സൗദിയുമായുള്ള ബന്ധം ​കേവല നയത​​ന്ത്രബന്ധമല്ലെന്നും ആഴത്തിലുള്ള ഹൃദയ ബന്ധമാണെന്നും ഹമദ്​ രാജാവ്​ റിയാദിലെത്തിയ ശേഷം മാധ്യമ പ്രവർത്തകരുമായി നടത്തിയ കൂടിക്കാഴ്ചയിൽ വ്യക്​തമാക്കുകയും ചെയ്​തു.