അപകടകരമായി വാഹനമോടിച്ചവർ പിടിയിൽ

മറ്റുള്ളവരുടെ ജീവന്​ ഭീഷണിയാകുന്ന തരത്തിൽ വാഹനമോടിച്ചവർ ബഹ്റൈനിൽ പിടിയിലായി. സാമൂഹിക മാധ്യമങ്ങളിലുടെ ഇത്​ സംബന്ധിച്ച്​ പ്രചരിച്ച വീഡിയോ പ്രകാരമാണ്​ അന്വേഷണം നടന്നത്​.

ഹമദ്​ ടൗണിലാണ്​ ​കേസിനാസ്​പദമായ സംഭവം നടന്നത്​. മറ്റുള്ളവർക്ക്​ ബുദ്ധിമുട്ടുണ്ടാ​ക്കുകയും ജീവന്ഭീഷണിയാകുന്ന തരത്തിൽ വാഹനമോടിക്കുകയും ചെയ്​തെന്നാണ്​ കേസ്​. നിയമ നടപടി സ്വീകരിക്കുന്നതിന്‍റെ ഭാഗമായി പ്രതികളെ റിമാന്‍റ്​ ചെയതിരിക്കുകയാണ്​. ഇവരുടെ വാഹനങ്ങളും പിടിച്ചെടുത്തിട്ടുണ്ട്​.