ഒയാസിസ് ഇൻറർനാഷനൽ സ്കൂളിൽ കരിയർ ഗൈഡൻസ് ഫെസ്റ്റ് അരങ്ങേറി

ദുബൈ: ഉപരിപഠന-തൊഴിൽ മേഖലകളിൽ കുട്ടികൾക്ക് അവബോധം സൃഷ്ടിക്കുകയെന്ന ലക്ഷ്യത്തോടെ അൽഐൻ ഒയാസിസ് ഇന്റർനാഷണൽ സ്കൂളിൽ കരിയർഗൈഡൻസ് ഫെസ്റ്റ് നടന്നു. യു.എ.ഇയിലെ വിവിധ സർവകലാശാലകളുമായി ചേർന്നായിരുന്നു മേള.

ഡോ: വി. എസ് . ഗോപാൽ ചെയർമാനായുള്ള അഹല്യഗ്രൂപ്പ് ഓഫ്ഇൻസ്റ്റിറ്റ്യൂഷ​ൻറ യു.എ.ഇയിലെ ആദ്യ സ്​കൂൾ സംരംഭം കൂടിയാണ്​ അൽഐൻ ഒയാസിസ്​ സ്​കൂൾ. ഇന്ത്യക്കകത്തും പുറത്തുമായി നിരവധി പഠന കോഴ്‌സുകൾ പുതു തലമുറക്ക് പരിചയപ്പെടുത്തുകയെന്നതും കരിയർ ഗൈഡൻസ്​ ഫെസ്​റ്റി​ൻറെ ലക്ഷ്യമായിരുന്നു.

അമേരിക്കൻ യൂണിവേഴ്സിറ്റി ഷാർജ, അമേരിക്കൻ യൂണിവേഴ്സിറ്റി റാസ് അൽ ഖൈമ, കിങ്‌സ് എഡ്യൂക്കേഷൻ ,മർഡോക്യൂണിവേഴ്സിറ്റി ദുബൈ ഉൾപ്പെടെ നിരവധി സർവകലാശാലകൾ ഫെസ്​റ്റിൽ ഭാഗവാക്കായി. ഉന്നതവിദ്യാഭ്യാസത്തിന്റെ പ്രാധാന്യം കുട്ടികളെ ഓർമിപ്പിക്കുകയെന്ന ലക്ഷ്യത്തോടെയാണ്​ മേള സംഘടിപ്പിച്ചതെന്ന്​ സ്‌കൂൾ പ്രിൻസിപ്പൽ സി.കെ.എ മനാഫ്​ പറഞ്ഞു.

സ്റ്റുഡൻറ്സ് ഇറ യുടെ മേൽനോട്ടത്തിൽ നടന്ന പരിപാടിക്ക് സ്കൂളിലെ വെൽ ബീയിഗ് ഡിപ്പാർട്ട്മെന്‍റ് നേതൃത്വംനൽകി. 10 മുതൽ 12 വരെ ക്ലാസുകളിലെ വിദ്യാർഥികൾ പരിപാടികളിൽ സംബന്​ധിച്ചു.