വരണ്ട കാറ്റും കനത്ത ചൂടുമായി ഖത്തറില്‍ 'വിഷക്കാറ്റ്' വീശിത്തുടങ്ങി
സൂര്യാഘാതമടക്കമുള്ള വലിയ ആരോഗ്യപ്രശ്‌നങ്ങള്‍ക്ക് ഇതു കാരണമാവും
Update: 2022-07-15 07:31 GMT
ഖത്തറില്‍ പ്രാദേശികമായി സിമൂം എന്നറിയപ്പെടുന്ന 'വിഷക്കാറ്റ്' തുടങ്ങിയതായി ഖത്തര്‍ കലണ്ടര്‍ ഹൗസ് അറിയിച്ചു. വരണ്ട കാറ്റും കനത്ത ചൂടുമായി രണ്ടാഴ്ചയോളം നീണ്ടുനില്‍ക്കുന്നതാണീ പ്രതിഭാസം.
മനുഷ്യരിലും പ്രകൃതിയിലും ഈ കാറ്റുണ്ടാകുന്ന പ്രത്യാഘാതങ്ങളെ സൂചിപ്പിച്ചാണ് വിഷക്കാറ്റ് എന്ന് പ്രയോഗിക്കുന്നത്. വരണ്ട കാറ്റും കനത്ത ചൂടും മൂലം സൂര്യാഘാതമടക്കമുള്ള വലിയ ആരോഗ്യപ്രശ്‌നങ്ങള്‍ ഇതുവഴിയുണ്ടാവും. അന്തരീക്ഷ താപനില 54 ഡിഗ്രി സെല്‍ഷ്യസ് വരെ ഉയരാനും ഈ പ്രതിഭാസം ഇടയാക്കും. ഈ മാസം 29 വരെ വിഷക്കാറ്റ് അടിച്ചുവീശുമെന്നാണ് ഖത്തറിലെ ജ്യോതിശാസ്ത്ര വിഭാഗമായ ഖത്തര്‍ കലണ്ടര്‍ അറിയിച്ചിരിക്കുന്നത്.