ഏഷ്യൻ കപ്പ് ഫുട്‌ബോൾ; ടിക്കറ്റ് വിൽപന നാളെ മുതൽ

ദോഹ: ഖത്തറിൽ നടക്കുന്ന ഏഷ്യൻ കപ്പ് ഫുട്ബോൾ മത്സരങ്ങളുടെ ടിക്കറ്റ് വിൽപന നാളെ തുടങ്ങും. 25 റിയാൽ ആണ് കുറഞ്ഞ ടിക്കറ്റ് നിരക്ക്. നാല് കാറ്റഗറി ടിക്കറ്റുകളാണ് ഉണ്ടാവുക. ഓൺലൈൻ വഴി മാത്രമായിരിക്കും വിൽപനയെന്ന് ഏഷ്യൻ കപ്പ് ലോക്കൽ ഓർഗനൈസിങ് കമ്മിറ്റി വാർത്താസമ്മേളനത്തിൽ അറിയിച്ചു

ടിക്കറ്റിങ് പോർട്ടൽ സംബന്ധിച്ചും മറ്റു കാറ്റഗറി ടിക്കറ്റ് നിരക്ക് സംബന്ധിച്ചുമുള്ള വിവരങ്ങൾ സോഷ്യൽ മീഡിയ പ്ലാറ്റ്ഫോമുകൾ വഴി അറിയിക്കും. ലോകകപ്പ് ഫുട്ബോളിൽ നിന്നും വ്യത്യസ്തമായി സ്റ്റേഡിയത്തിൽ പ്രവേശിക്കാൻ ഹയാ കാർഡ് ആവശ്യമുണ്ടാവില്ല. ടിക്കറ്റ് ഹയയുമായി ബന്ധിപ്പിക്കില്ലെന്നും അധികൃതർ അറിയിച്ചു.

2024 ജനുവരി 12 മുതൽ ഫെബ്രുവരി 10 വരെയാണ് ഏഷ്യൻ കപ്പ് ഫുട്ബോൾ ടൂർണമെന്റ് നടക്കുന്നത്.ഇന്ത്യയടക്കം 24 രാജ്യങ്ങളാണ് വൻകരയുടെ കിരീടത്തിനായി പോരടിക്കുന്നത്