സീതിഹാജി ഡയാലിസിസ് സെൻ്ററിന് ഡയാലിസിസ് യൂണിറ്റുകൾ നൽകി
Update: 2023-12-28 04:14 GMT
മലപ്പുറം ജില്ലയിലെ എടവണ്ണയില്‍ തുടങ്ങുന്ന സീതിഹാജി ഡയാലിസിസ് സെൻററിന് എടവണ്ണ പഞ്ചായത്ത് പ്രവാസി അസോസിയേഷൻ ഖത്തർ രണ്ട് ഡയാലിസിസ് യൂണിറ്റുകൾ നൽകി.
എപ്പാക്കിന്റെ പത്താം വാർഷികാഘോഷ ചടങ്ങില്‍ ഏറനാട് എം.എൽ.എ പികെ ബഷീറിനാണ് തുക കൈമാറിയത്. എടവണ്ണനീയം സീസൺ 5 പികെ ബഷീർ എംഎൽഎ ഉദ്ഘാടനം ചെയ്തു.
നസീം ഹെൽത്ത് കെയർ എംഡി മിയാൻദാദ് വിപി, എപ്പാക് രക്ഷാധികാരികളായ സലിം റോസ്, അഷ്റഫ് പനനിലത്ത് തുടങ്ങിയവര്‍ സംസാരിച്ചു. എപ്പാക് പ്രസിഡണ്ട് കെടി ഫൈസൽ ബാബു അധ്യക്ഷനായിരുന്നു. ജനറൽ സെക്രട്ടറി സാബിഖുസ്സലാം സ്വാഗതം പറഞ്ഞു.