ദമ്മാം മലപ്പുറം പ്രീമിയർ ലീഗ് ക്രിക്കറ്റ് നാലാം സീസൺ 9ന് ആരംഭിക്കും

ക്രിക്കറ്റും ചാരിറ്റിയും സാമന്വയിപ്പിച്ച് മലപ്പുറം ക്രിക്കറ്റ് കൂട്ടായ്മ സംഘടിപ്പിക്കുന്ന മലപ്പുറം പ്രീമിയർ ലീഗ് (എം.പി.എൽ) നാലാം സീസണും, സൗദിയിൽ ആദ്യമായി 4 രാജ്യങ്ങൾ പരസ്പരം മാറ്റുരക്കുന്ന ഏഷ്യാ കപ്പ് സീസൺ 1 മത്സരങ്ങളും മാർച്ച് 9,10 തിയ്യതികളിൽ അൽഖോബാർ ഇ.ആർ.സി.എ സ്റ്റേഡിയത്തിൽ നടക്കും.

ദമ്മാമിൽ നടത്തിയ വാർത്താ സമ്മേളനത്തിൽ പ്രസിഡന്റ് ഷഫീഖ് കട്ടുപ്പാറ, ശിഹാബ് വെട്ടത്തൂർ, സാബിത്ത് ചിറക്കൽ, യൂനുസ് വളാഞ്ചേരി, റാഷിദ് വളാഞ്ചേരി എന്നിവർ വാർത്താസ മ്മേളനത്തിൽ പങ്കെടുത്തു.

ദമ്മാം റോയൽ മലബാർ റസ്റ്റോറന്റിൽ നടന്ന ജേഴ്‌സി-ട്രോഫി പ്രകാശനം സൗദി കേരള സമാജം പ്രസിഡന്റ് ആൽബിൻ ജോസഫ് ഉദ്ഘാടനം ചെയ്തു. കിഴക്കൻ പ്രാവിശ്യയിലെ കായിക മേഖലകളിലെ പ്രമുഖർ സംബന്ധിച്ചു.

കഴിഞ്ഞ മൂന്ന് സീസണുകളെ പോലെ നാലാം സീസണും വിജയകരമായി നടത്താൻ കഴിയുമെന്ന് ടൂർണ്ണമെന്റ് ചെയർമാൻ ശിഹാബ് വെട്ടത്തൂർ അഭിപ്രായപ്പെട്ടു. ഒഫീഷ്യൽ ജെഴ്‌സി ദമ്മാം ഇന്ത്യൻ ഫുട്‌ബോൾ അസോസിയേഷൻ പ്രസിഡന്റ് മുജീബ് കളത്തിൽ പ്രകാശനം ചെയ്തു.

ഏഷ്യാ കപ്പ് ടീമുകൾക്കുള്ള ജേഴ്‌സി ദമ്മാം ഇന്ത്യൻ ഫുട്‌ബോൾ അസോസിയേഷൻ വൈ. പ്രസിഡന്റ് മൻസൂർ മങ്കട പ്രകാശനം ചെയ്തു.