ഷാർജ ലേബർ ക്യാമ്പുകളിൽ ലൈബ്രറികളുടെ എണ്ണം 45 ആയി

ദുബൈ: ഷാർജയിൽ തൊഴിലാളികളുടെ താമസ കേന്ദ്രങ്ങളിൽ വായനക്ക്​ സംവിധാനം ഒരുക്കി അധികൃതർ. ലേബർ സ്റ്റാൻഡേർഡ്ഡവലപ്​മെൻറ്​ അതോറിറ്റിയാണ്​ പത്ത്​ ലേബർ ക്യാമ്പുകളിലായി ലൈബ്രറിക്ക് രൂപം നൽകിയത്. തൊഴിലാളികൾക്ക്​ മെച്ചപ്പെട്ട ജീവിതം ഉറപ്പു വരുത്താനുള്ള പദ്ധതിയുടെ ഭാഗമായാണ് നടപടി.

ഷാർജ ഇൻഡസ്​ട്രിയൽ ഏരിയയിലെ പത്തിടങ്ങളിലാണ്​ ലൈബ്രറി ഒരുക്കിയത്​. ഇതോടെ ലേബർ ക്യാമ്പുകളിൽ രൂപം നൽകിയ ലൈബ്രറികളുടെ എണ്ണം 45 ആയി ഉയർന്നു. വിവിധ ഭാഷകളിലായി നൂറുകണക്കിന്​ പുസ്​തകങ്ങളാണ്​ ലൈബ്രറിയിലുള്ളത്​. കൂടുതൽ ലൈബ്രറികൾ നിർമിക്കാൻ നടപടി തുടരുകയാണെന്നും അധികൃതർ വ്യക്​തമാക്കി. ഷാർജ കേന്ദ്രമായുള്ള അതിരുകളില്ലാത്ത സംസ്​കാരം എന്ന കൂട്ടായ്​മയുമായി സഹകരിച്ചാണ്​ ലൈബ്രറിക്ക്​ രൂപം നൽകിയത്​. എല്ലാ ലേബർ ക്യാമ്പുകളിലും മികച്ച ലൈബ്രറി എന്ന ഷാർജ ഭരണാധികാരി ശൈഖ്​ ഡോ. സുൽത്താൻ ബിൻ മുഹമ്മദ്​ ആൽ ഖാസ്മിയുടെ കാഴ്​ചപ്പാടി​ൻെറ പ്രയോഗവത്​കരണം കൂടിയാണിത്​. തൊഴിലിടങ്ങളിലും താമസ കേന്ദ്രങ്ങളിലും മെച്ചപ്പെട്ട സാഹചര്യം പ്രദാനം ചെയ്യാൻ നിരവധി കർമപരിപാടികളാണ്​ ഷാർജ ആവിഷ്​കരിച്ചു വരുന്നത്​.

Full View