മാണി ഇതുവരെ ഒരു പരാതിയും ഉന്നയിച്ചിട്ടില്ലെന്ന് സുധീരന്‍; വിരട്ടല്‍ വിലപ്പോകില്ലെന്ന് ചെന്നിത്തല
Update: 2017-05-03 06:47 GMT
രാഷ്ട്രീയമര്യാദ പാലിക്കുന്നതുകൊണ്ട് ഇപ്പോള്‍ പ്രതികരിക്കുന്നില്ല
കെഎം മാണി യു‍ഡിഎഫില്‍ ഇതുവരെ ഒരു പരാതിയും ഉന്നയിച്ചിട്ടില്ലെന്ന് കെപിസിസി പ്രസിഡന്റ് വിഎം സുധീരന്‍. രാഷ്ട്രീയമര്യാദ പാലിക്കുന്നതുകൊണ്ട് ഇപ്പോള്‍ പ്രതികരിക്കുന്നില്ല. കേരള കോണ്‍ഗ്രസ് എമ്മിന്റെ അന്തിമ തീരുമാനം വന്നശേഷം കൂടുതല്‍ പ്രതികരിക്കാമെന്നും സുധീരന്‍ തിരുവനന്തപുരത്ത് പറഞ്ഞു.
കോണ്‍ഗ്രസിനെ വിരട്ടാന്‍ വന്നാല്‍ അത് വിലപ്പോകില്ലെന്ന് പ്രതിപക്ഷ നേതാവ് രമേശ് ചെന്നിത്തല. എല്ലാ ഘടകകക്ഷികളെയും ഒരേ പോലെ പരിഗണിച്ചിട്ടുണ്ട്. കഴിഞ്ഞ മൂന്നു പതിറ്റാണ്ടിനിടയില്‍ ബഹുമാനത്തോടെ പെരുമാറാന്‍ കോണ്‍ഗ്രസിന് കഴിഞ്ഞിട്ടുണ്ടെന്ന് രമേശ് ചെന്നിത്തല പാലക്കാട് പറഞ്ഞു.
കെഎം മാണിയുടെ തീരുമാനം കൃത്യമായി അറിയാതെ പ്രതികരിക്കാന്‍ കഴിയില്ലെന്ന് ഉമ്മന്‍ചാണ്ടി. തീരുമാനം അറിഞ്ഞതിന് ശേഷം പ്രതകരിക്കാമെന്നും ഉമ്മന്‍ ചാണ്ടി മലപ്പുറത്ത് പറഞ്ഞു.