മുകേഷിന് കെട്ടിവയ്ക്കാനുള്ള തുക കശുവണ്ടി തൊഴിലാളികള്‍ സംഭാവന ചെയ്തു
Update: 2017-05-03 02:28 GMT
കൊല്ലം നിയമസഭാ മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി നടന്‍ മുകേഷിന് തെരഞ്ഞെടുപ്പിന് കെട്ടിവയ്ക്കാനുള്ള തുക കശുവണ്ടി തൊഴിലാളികള്‍ സംഭാവന ചെയ്തു.
കൊല്ലം നിയമസഭാ മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി നടന്‍ മുകേഷിന് തെരഞ്ഞെടുപ്പിന് കെട്ടിവയ്ക്കാനുള്ള തുക കശുവണ്ടി തൊഴിലാളികള്‍ സംഭാവന ചെയ്തു. അഞ്ചാലുംമൂട് കശുവണ്ടി ഫാക്ടറിയിലെത്തിയാണ് മുകേഷ് തുക സ്വീകരിച്ചത്. ഏറെ ആവേശത്തോടെയാണ് മുകേഷിനെ തൊഴിലാളികള്‍ വരവേറ്റത്.
കൊല്ലത്തെ കശുവണ്ടി വ്യവസായത്തെ പഴയ പ്രതാപത്തിലേക്ക് തിരിച്ചെത്തിക്കുമെന്നതാണ് നടന്‍ മുകേഷ് വോട്ടര്‍മാര്‍ക്ക് നല്‍കുന്ന വാഗ്ദാനങ്ങളിലൊന്ന്. ഇതിനായി പി കെ ഗുരുദാസന്‍ തുടങ്ങിവച്ച പദ്ധതികള്‍ പൂര്‍ത്തീകരിക്കുമെന്ന ഉറപ്പും മുകേഷ് നല്‍കുന്നുണ്ട്. ഈ വാക്കില്‍ വലിയ പ്രതീക്ഷയാണ് കൊല്ലത്തെ കശുവണ്ടി തൊഴിലാളികള്‍ക്കുള്ളത്. അതുകൊണ്ട് തന്നെ മുകേഷിന് തെരഞ്ഞെടുപ്പിനായി കെട്ടിവയ്ക്കാനുള്ള തുക തൊഴിലാളികള്‍ സംഭാവന ചെയ്തു. അഞ്ചാലുംമൂട് കശുവണ്ടി ഫാക്ടറിയിലെത്തിയാണ് മുകേഷ് തുക സ്വീകരിച്ചത്.
തന്റെ മുത്തശ്ശി കശുവണ്ടി തൊഴിലാളി ആയിരുന്നുവെന്നും അതിനാല്‍ തന്നെ തൊഴിലാളികള്‍ തുക നല്‍കിയതില്‍ ഏറെ സന്തോഷമുണ്ടെന്നും മുകേഷ് പ്രതികരിച്ചു. ശേഷം പനയം ക്ഷേത്രത്തില്‍ പൊങ്കാല അര്‍പ്പിക്കാനെത്തിയ സ്ത്രീകളെയും മുകേഷ് നേരില്‍ കണ്ട് വോട്ട് അഭ്യര്‍ത്ഥിച്ചു. കാഞ്ഞാവെളി ക്രിസ്തീയ ദേവലയത്തില്‍ പ്രാര്‍ത്ഥനാചടങ്ങിലും മുകേഷ് പങ്കെടുത്തു.