അപൂര്‍വ ചിത്രങ്ങളുടെ പ്രദര്‍ശനവുമായി ചിത്രാ കൃഷ്ണന്‍കുട്ടി
Update: 2017-08-21 03:22 GMT
മലയാളസിനിമയിലെ പല സൌഹൃദങ്ങളുടെയും രാഷ്ട്രീയ വ്യക്തിത്വങ്ങളുടെ അപൂര്‍വ നിമിഷങ്ങളടങ്ങിയ ബ്ലാക് ആന്‍ വൈറ്റ് ചിത്രങ്ങളുടെ ശേഖരമാണ് പ്രദര്‍ശനത്തിലുള്ളത്
കേരളത്തിലെ തലമുതിര്‍ന്ന ഫോട്ടോഗ്രാഫര്‍ ചിത്രാ കൃഷ്ണന്‍കുട്ടി കഴിഞ്ഞ അരപതിറ്റാണ്ട് കാലം കൊണ്ടെടുത്ത തെരഞ്ഞടുക്കപ്പെട്ട അപൂര്‍വ ചിത്രങ്ങളുടെ പ്രദര്‍ശനം കോട്ടയം മാമന്‍ മാപ്പിള ഹാളില്‍ നടക്കുകയാണ്. മലയാളസിനിമയിലെ പല സൌഹൃദങ്ങളുടെയും രാഷ്ട്രീയ വ്യക്തിത്വങ്ങളുടെ അപൂര്‍വ നിമിഷങ്ങളടങ്ങിയ ബ്ലാക് ആന്‍ വൈറ്റ് ചിത്രങ്ങളുടെ ശേഖരമാണ് പ്രദര്‍ശനത്തിലുള്ളത്.
പഴയ തലമുറയെ പ്രദര്‍ശനം ഓര്‍മ്മകളുടെ ബ്ലാക്ക് ആന്‍ വൈറ്റ് കാലത്തേക്ക് കൂട്ടികൊണ്ടുപോയപ്പോള്‍ പുതുതലമുറ ആശ്ചര്യത്തോടെ കണ്ടുനിന്നു പല ചിത്രങ്ങളും. മലയാള സിനിമയിലെ അറിഞ്ഞതും കേട്ടതുമായ പഴയ സൌഹൃദ കഥകള്‍, വെള്ളിത്തിരയില്‍ മിന്നിതെളിഞ്ഞ താരങ്ങളുടെ സാധാരണ ജീവിതം, രാഷ്ട്രീയ വ്യക്തിത്വങ്ങളുടെ ചില അപൂര്‍വനിമിഷങ്ങള്‍ അങ്ങനെ തുടരുന്നു കാഴ്ചകള്‍. ഓര്‍മ്മകള്‍ അയവിറക്കാനെത്തിയ മലയാളിയുടെ പ്രിയ താരം വിജയരാഘവനെയും അവിടെ കണ്ടുമുട്ടി.
തന്‍റെ ക്യാമറയിലെ ഒറ്റ ക്ലിക്കില്‍ മലയാളത്തിന്‍റെ വെള്ളിവെളിച്ചത്തിലേക്ക് എത്തിയ പല താരങ്ങളെയും ചിത്രാ കൃഷ്ണന്‍കുട്ടി ഓര്‍ത്തെടുത്തു. അക്ഷരക്കൂട്ട് അവതരിപ്പിക്കുന്ന ചിത്രപ്രദര്‍ശനം ഇന്ന് സമാപിക്കും.