ജിഷയുടെ കൊലയാളിയെ കണ്ടുപിടിക്കാത്തതില്‍ പ്രതിഷേധിച്ച് കോഴിക്കോട് രാത്രികാലസമരം
Update: 2017-12-09 14:28 GMT
സിറ്റി പോലീസ് കമ്മീഷണറോഫീസിന് മുന്നിലാണ് പെണ്‍കൂട്ടിന്റെ ആഭിമുഖ്യത്തില്‍ സമരം ആരംഭിച്ചത്
ജിഷ കൊലക്കേസിലെ പ്രതികളെ പിടികൂടാത്തതില്‍ പ്രതിഷേധിച്ച് കോഴിക്കോട് രാത്രികാലസമരം ആരംഭിച്ചു. സിറ്റി പോലീസ് കമ്മീഷണറോഫീസിന് മുന്നിലാണ് പെണ്‍കൂട്ടിന്റെ ആഭിമുഖ്യത്തില്‍ സമരം ആരംഭിച്ചത്.
ജിഷ കൊല്ലപ്പെട്ട് രണ്ടാഴ്ച പിന്നിട്ടിട്ടും പ്രതികളെ പിടികൂടാന്‍ പോലീസിന് കഴിയാത്തതില്‍ പ്രതിഷേധിച്ചാണ് സ്ത്രീകൂട്ടായ്മ രാത്രികാല സമരം നടത്തിയത്. പ്രതികളെ സഹായിക്കുന്നതാണ് പോലീസിന്റെ നിലപാട്. പ്രതികള്‍ക്ക് വേണ്ടി പ്രവര്‍ത്തിച്ച പോലീസ് ഉദ്യോഗസ്ഥരെ കേസില്‍ ചോദ്യം ചെയ്യണമെന്നും പ്രതിചേര്‍ക്കണമെന്നും സമരക്കാര്‍ ആവശ്യപ്പെട്ടു.
വൈകീട്ട് ആറുമുതല്‍ രാവിലെ ആറ് വരെയാണ് സമരം. പെണ്‍കൂട്ടിന്റെ നേതൃത്വത്തില്‍ നടക്കുന്ന സമരത്തില്‍ നിരവധി പേര്‍ പങ്കുചേരാനെത്തി.