മന്ത്രി പട്ടികയ്ക്ക് അംഗീകാരം നല്‍കാന്‍ സിപിഎം യോഗം ഇന്ന്
Update: 2017-12-28 04:18 GMT
മന്ത്രിസഭയിലെ സിപിഎം മന്ത്രിമാരുടെ പട്ടികക്ക് സംസ്ഥാന കമ്മിറ്റി അംഗീകാരം നല്‍കും
സിപിഎം സംസ്ഥാന കമ്മിറ്റി യോഗം ഇന്ന് ചേരും. മന്ത്രിസഭയിലെ സിപിഎം മന്ത്രിമാരുടെ പട്ടികക്ക് സംസ്ഥാന കമ്മിറ്റി അംഗീകാരം നല്‍കും. ഇന്നലെ ചേര്‍ന്ന സംസ്ഥാന സെക്രട്ടറിയേറ്റ് യോഗം മന്ത്രിമാരെ സംബന്ധിച്ച് ധാരണയിലെത്തിയിരുന്നു.
പിണറായി വിജയന് പുറമെ ഇ പി ജയരാജന്‍, തോമസ് ഐസക്, എ കെ ബാലന്‍, കെ കെ ശൈലജ, ജി സുധാകരന്‍, പി പി രാമകൃഷ്ണന്‍, എ സി മൊയ്തീന്‍, ജെ മെഴ്സിക്കുട്ടിയമ്മ, സി രവീന്ദ്രനാഥ്, കടകംപള്ളി സുരേന്ദ്രന്‍ എന്നിവര്‍ മന്ത്രിമാരുടെ പട്ടികയിലുണ്ട്. എല്‍ഡിഎഫ് സ്വതന്ത്രനായി ജയിച്ച കെ ടി ജലീലും പട്ടികയിലുള്‍പ്പെട്ടിട്ടുണ്ട്. പി ശ്രീരാമകൃഷ്ണനെ സ്പീക്കറാക്കാനാണ് ധാരണ. പട്ടികയില്‍ എന്തെങ്കിലും മാറ്റം വരുത്തണമെങ്കില്‍ സംസ്ഥാന കമ്മിറ്റി ചര്‍ച്ച ചെയ്ത ശേഷം തീരുമാനമെടുക്കും.